بنتي عمرها 4 شهور ولاحظت عليها من اسبوع وجود كيس يشبه الكيس الدهني تحت باطها ومش مسبب لها أي ألم والدكتوره قالت لي هذا بسبب التطعيم الخاص بالدرن اللي خذته من يومها الأول واذا ما رافقه سعال وحمى معناته ما في خطر ..
وصفولها دوا ريحته تلوع بالجبد مع حبة والعلاج تستمر عليه مدة 6 شهور والفتره وايد طويله
انا الصراحه وايد خايفه وكل شوي أتصل بالدكتوره وأسألها وهي اتطمني وتقولي لا تخافين هذا الشي عادي ووصلتهم كذا حاله خلال الثمانية شهور الماضيه وكلهم نفس اشي وبعد استمرار على العلاج لمدة شهر أو شهرين تبدا الحبه تتلاشى شوي شوي
بغيت أسال اذا وحده مرت عليها هذي الحاله أو حد من معارفها مرت عليه نفس السالفه ياليت لو تفيدوني قلبي قارصني من السالفه مع اني رحت عند ثلاث دكاتره اختصاصيين وكلهم قالوا لي نفس الكلام وقلبي يقول لي ان السالفه أكبر عن جي بس هم ما يبوون يخبروني… بلييييز وحده فيكم اتطمني وتقولي انها حاله طبيعيه لن كلام الدكاتره هذا الزمن ما يتصدق ويتلاعبون بالمريض عسب يراجعهم كل يوم ..ولا يهمهم غير الفلوس وبس
لالا تحاتين حبيبتى وما يقدرون يقولون لج كلام غير اللى فى بنتج وهى تطلع الاشياء وبنتج توها صغيرة والامراض اللى انتى فى بالج ما تصيب الاطفال حديثى الولادة خصوصا فى هى الاماكن لكن لللاطمئنان اكثر سوى لها اشعة احسن و****لة خير
ما عليها شر****لله الله يحفظها و يحفظ أولاد المسلمين يا رب
عادي فديتج انااعرف وحدة من اهلنا نفس حالت بنتج وقالولنا من التطعيم
عادي حبيبتي لاتخافين بعدها صغيره أنا مره طلع لي كيس دهني بسبب الحمل طلع لما كنت بالشهر التاسع والحمدالله بعد الولاده بشهر أو شهرين ناسية الصراحة اختفى الكيس الدهني وهاذي السالفة من سنتين والحين الحمدالله مافي أي كيس…الله يعافيها من كل شر
حبيبتي واااااااااااااايد أطفال يصير لهم نفس الشي وتكون علاجاتهم مختلفة
حد منهم جراحة ويشفطون الكيس , وحد منهم بس دوا اللي هو المضاد اللي تاخذه بنتج وتروح مع الأيام , وحد منهم بعد بروحها تروح أما أمرها شي جدااااا طبيعي أنا عيالي جذيه وفي وصفة شعبية وهي تتطحنين الحبه الحمرا وتعجنينها مع شوية ماي وتحطينها على الورمه وبإذن ربي تندحج وتروح بس الخلطة شوي حاره يعني تحرقة بس ممتازة
ماعليها شر ان شاءالله