السلام عليكم
بنات بغيت اسالكم انا الحين اول سنه ابا اعرف شو اشتري حق التقنبه يعني مثلان كم دفتر ؟؟
نحتاج فايلات ؟؟ بليييز ساعدوني ابا اشتري قبل ما فيني عقب على زحمة المكتبااات
و شكرا
اب اب
الله يسلمكم تحتاجون قلم ارصاص و دفتر
و مع انكم فوانديشن فبتدرسون 4 مواد
انجليزي
ماث
عربي
كومبيوتر
انجليزي يباله فايل اكبير هب اصغير و مقسم على اساس قراءه – كتابه – استماع – قواعد ( المس بتقولكم)
الماث يباله فايل عسب اتحطون فيه الأوراق
عربي و كمبيوتر على حسب الاستاذ بس أنا شريت فايل اصغير حقهم
بس هذه .. أوووه نسيت مساحه و برايه ههههههه
و اتمنى انكم استفدتو
يعني بتسيرين تدرسين ماتعرفين شو تشلين وياج؟؟؟!!!!!عجيبة
المشاركة الأصلية كتبت بواسطة كلوفر 
و مع انكم فوانديشن فبتدرسون 4 مواد
انجليزي
ماث
عربي
كومبيوتر
انجليزي يباله فايل اكبير هب اصغير و مقسم على اساس قراءه – كتابه – استماع – قواعد ( المس بتقولكم)
الماث يباله فايل عسب اتحطون فيه الأوراق
عربي و كمبيوتر على حسب الاستاذ بس أنا شريت فايل اصغير حقهم
بس هذه .. أوووه نسيت مساحه و برايه ههههههه
و اتمنى انكم استفدتو
بعد بتحتاجين دفتر A4 عشان بتكتبين مواضيع الإنجليزي أو مسودات..
امم بعد اشتريلج أطلس صغير مترجم انجليزي- عربي عربي-انجليزي حطيه في الشنطة على أساس يسهل عليج ترجمة الكلمات بس ما أعرف إذا يستوي تستخدمينه وقت الكلاس اسألي أحسن .. وهم أصلا بيعطونج قاموس..
بعد آلة حاسبة حق الرياضيات إذا عندج مال اثانوية بعد زين ماله داعي يديد..
والسموحه
اول شي:مبروك عليج والله يوفقج
ثاني شي:مثل ماقالت بالضبط الاخت كلوفر وعنب
ثالث شي: الله يوفقج في دراستج وانشالله تستانسين في الكليه
هلا أختي ..
اللي تحتاجينهـ قلم رصاص ونوتهـ
ها اللي اعرفهـ
وع الفايلات بعدينــ
لما ادشينـــ
هم بيخبرونج ..
أختج..
كيويهـ *-^