بنات ابا رايكم بلييييز

هلا بنات اشحالكم اليوم وصلت شغالتي اليديده بنجاليه اول مره تشتغل في الاورق مكتوب عمرها 38 لم وصلت شكلها في 50 عيوز وضعييييفه انا قلت اخد العاقله بس ماعيوز عاد الشغاله الاوليه كان عمرها 20 و4شهور وشردت بنات علي حسب تجاربكم الشغالات الكبار يروموا للشغل ولا لا اوديها المكتب ولا لا انا بيتي كبير واباه نظيف وايد جي بغيت شغاله ولا بنتي مااخليها عند الشغالات في شو رايكم بلييز انا مو مرتاحه حتي شكلها يخوف ولا تبتسم ابدا الله المستعان

انصحج تردينها أحسن. نحن قبل يبنا خدامه عمرها 46 أو يمكن أكبر اونه راعية المكتب قالت خذو عيوز أحسن ما بتفكر تشرد. يوم يبناها نحن قمنا نساعدها مافيها شده عَ الشغل. وعقب 3 شهور شردت حسبي الله عليها.
وترا عمرهن ما يردهن عن شي. إلي تبا الحرام تسويه لو شو ما كان عمرها. استغفر الله.
فِ النهايه استخيري الأول وعقب تصرفي.
والله يوففج

خليها اسبوع وجوفي

واذا جفتيها تبا حد يخدمها وديها المكتب