السلام عليكم و الرحمة
بناات فديتكن ما باجي عن عرس بنت أختي إلا أسبوعين و أبا أعرف من وين يبيعونون صناديق الخشب بمفتاح أو مناديس بسررررررررعة
و الله يوفق كل بنت ترد عليه
و أي بنت تساعدني بدعيلها فظهر غيب 
عندج بالمها بلازا ……..وبمحلات الورود (مملكه الزهور)وبوسق الحظ واايد اتوقع كل المراكز فيهن مناديس
المناديس مال الهدايا .. النوعيه العاديه فكل مكان وخاصه فأسواق الهدايا والتخفيضات بس المناديس شغل الحفر الأصلي والقويات ينباعن فالقرية العالمية الجناح الباكستاني وفدبي عدال نادي الوصل فيه محل يخدمهن
في هدايا العين …مناديس كبيرة …إلي في الصناعية …أنا شايفتنهن اهناك ..وانا احس على حسب الترتيب
انا وربيعاتي رتبنا عند المحل مال الديكور إلي مجابل الزعفرانه …رتبنا صندوقع على 200 وعلقنا فيه الشنط وكريستال
وصندوق ثاني بـ400 في كان فروع شجره وعليها كرستال وورد وحطينا فيها الفراااش
والصناديق من عنده على ما اعتقد …
أختي مبروك عليكم والله يوفقها انشالله .. أعرف محل يزين ويبيع هدايا ومناديس في سوق المويجعي اسمه حفيت غاليري روحي وشوفي عنده يمكن يعيبج ..
عندج مناديس ف مكتبة المكتبة روعة كل الاحجام وكل الوان والانواع
غناتي وايد اماكن يبيعون مناديس اشكال والوان واحجام طبعا تختلف الاسعار
هدايا العين – آخر الصناعية
أسواق رفاه – الصناعية عقب القصر الايطالي
هدايا العين – في السوق مجابل البريد
المركز الدولي – في السوق عقب سويت ليدي وهنادي للعبي الطابق الارضي
في نفس الشارع عندج بحيرة الزهور محل ورد
مملكة الزهور مجابل الماكدونالدز في شارع خليفة
هوم ار اص في المويجعي عندهم مناديس قش ثجيله وخفيفه
هوم سنتر – الكارفور فوق وعندهم بعد سلال القش مبطنه لثياب الغسيل
بس تقدرين تستغلينهن وتسوينهن حركه غريبه
حول الامارات – نفس المكان المويجعي عندهم بعد شغلات
حفيت جاليري – المويجعي عقب باتشي خرافه وترتيبه رعه بس لبناني وغالي
والله وايد اماكن بس هذا لي اذكره حاليا واذا تبين غناتي حركه لمكسار فالج طيب
وألف مبروك والفال لج ان شاءلله