السلام عليكم جميعا
جربوا هالشي وصدقوني غاوي
المقادير :
كيس بلاليط ابيض ( البلاليط لونه ابيض ) بتحصلونه في الجمعية ( تاخذينه وتكسرينه لأنه يجي شكله طويل وملفوف )
زعفران
قرفة
هال
فنجان ونص سكر ( فنجان القهوة مالتنا )
الطريقة :
تحطين الماي في الجدر مع كم حبة هال وتخلينه يفور
تضيفين البلاليط واحسبي بالضبط دقيقة يفور في الماي
وعقب حطي البلاليط في المشخلة
ورشي عليه السكر
ورشي ملقعة صغيرة قرفة
ونص ملعقة هال
وكم خيط زعفران
واخلطي عدل ( اجلبيه فوق تحت )
ثم ضعي نص ملقعة زيت في الجدر وصبي البليط عليه
وبعد رشي من فوق شوية قرفة وهال ( وممكن زعفران مع ماء ورد )
وحطي الحديدة تحت الجدر وخليه على نار خفيفة لين تشوفين ان البخار ابتدا يتصاعد ( يعني مال ربع ساعة )
بعد ردي اجلبيه في الجدر فوق تحت
وحطيه في صحن ورشي على اللوز المكسر والجوز والفستق ( المكسرات للي تحبينها )
طبعا هذا بدون صور لكن شكلي بسويه اليوم وبحط لكم الصور
وسلامتكم
هيه احسن بالصور ^^
عجييب البلاليييط احبه ><
مشكوره الغاليه
ربي يعطيج العافيه وتسلم ايدج
تسلمين
تسلم ايدج اختى جيون بجرب طريقتج انا اسويه ويا بصل ههههههههه احب العباله
جيون نحن نريد بلاليط عمج الى بالكراميل يالله شدى حيلج نبى الطريقه ويا الصور ههههههههههههه انتشرط بعد اسمحيلى
المشاركة الأصلية كتبت بواسطة laperrla 
عجييب البلاليييط احبه ><
ان شاء الله الغالية
بسويه وبصوره وبحط لكن الصور
البلاليط انا بعد احبه … بكل انواعه