بغيت ازوجها أخويه بس الوالد ما طاع

الغاليات أنا بدش في الموضوع على طول ..مثل ما قريتن في العنوان…

…

من سنه تقريبا زرت أحدى المؤسسات كل اللي يشتغلون فيها حريم …لفتت نظري وشده انتباهي بنيه

خدومه وبشوشه وبنت حلال ..وربي اني دعيت لها من خاطري …المهم …ترددت وايد على المؤسسه

لارتباطي بشغل معين هناك ..وزادت معرفتي بالبنت وتقربت منها اكثر وسبحان الله تدخل القلب بسرعه

مدينه..بشوشه ..حليوه ..خدووووومه جدا ..كنت اتحسبها بنوته قوم ب23 أو 24 سنه خبرت أمايه

عنها بغيتها وأصريت عليها حق اخويه امايه شافتها وعيبتها وااااااايد وتمت في خاطرها بس ما

خبرناها ولاحتى لمحنا لها ..المهم خذت اسمها الكامل وتخبرنا عنها ..الصدمه انها طلع عمرها 31

سنه
اخوي 26 سنه…والشي الثاني امها طلع أصلها بنت عرب بس من الهند ..ابوي رفض رفض قاطع

طبعا رغم انها بنت عرب وجبيلة معروفه بس امها من الهند ..

على العموم خلاص اخوي شافوله وحده ثانيه ..بس هالبنت تمت في خاطري وعرفت انه عندها اخت

ثانيه عمرها 26 او 25 سنه والله العظيم والله الشاهد على كل حرف اكتبه ..انه نعم البنات ونعم الاهل

وهذيلا البنات اللي كل ريال يتمناها ام لعياله وكل أخت تتمناها تكون زوجة أخوها ..وربي أخلاق وعلم

وادب وحشيمات ..لكن الناس ونظرتها الدونيه للي أمهاتهم هنديات ..متى بتتعدل هالمخوخ ما ادري ..

انا اقول معقوله محد درابهن ولا خطبهن ..واللي عرفته انهن ما يطلعن من البيت وايد وما يسيرن

اعراس وايد ..وسبحن الله النصيب بعد له دور ..عشان جيه انا فكرت اني ارمس خطابه عنهن اكسب

فيهن اجر ..ولا شو رايكن خواتي ..أنا الي اعرفه وايد في الشارجه امهاتهم هنديات ..معقوله ما

يدرون ببعض ..

سبحن الله هالبنيه سخرت عمرها للايتام وانا توني مخلصه صلاة دعيتلها وسبحن الله يت الفكره اني

اكتب موضوعها هني يمكن الله يسخر لها ولد الحلال ..

الغالليات بغيت رايكن كيف اقدر اساعدها؟؟؟

الي اعرفه انه البنات هذيلا كنز مدفون محد يدري عنهن لانهن ما يطلعن ولا حد يدريبهن ..

وانا ابغي افتح عيون عيال الحلال عليهن وبس والباجي على الله