[CENTER]السلام عليكم ورحمة الله وبركاته[/CENTER]
اشحال الحلواات ؟عساكم طيبين ؟هذي اول مشاركه لي وحبيت انزل لكم هالبسبوسه الي انا دوم احب اسويها وتضبط معااي وان شاء الله تعجبكم بس..انا عن نفسي اذا سويتهاا يخلصوهاا فالبيت المهم بلا طول سيره ونبدى
المقادير:
كوب زيت
كوب سكر
كوب حليب
كوب جوز الهند
2 كوب سميد
معلقه ك بيكنج بودر
ربع كوب ماي ورد منقوع فيه زعفران
معلقه ص هيل
قشطه
شيره
ملاحظه:ياريت تستخدمين الكوب لكل المقادير يعني كلها بنفس الكميه
الطريقه:
اول شي نخلط السكر +الحليب+الزيت+جوز الهند+الهيل ونحركه زين بعدهاا انضيف الماي ورد والزعفران بس لاتصبينه كله بس اشوي وخلي الباجي لبعدين يعني اذا كانت البسبوسه غليظه وايد زيديهااواذا ماكانت تحتااي فلا تزيدين يعني لازم ماتكون وايد خفيفه ولا وايد ثجيله
وبعدين نخلط السميد +البيكنج بودر مع بعض ونبدى انصبه بتدريج على المكوناات الثانيه وتمي حركي بإيدج .بعدين حضري صينية الفرن ودهنيها وصبي عليها نص مقدار البسبوسه بعدين ييبي القشطه وغطي فيها البسبوسه بالكامل وبعدها ييبي النص الباقي من البسبوسه وصبيه من فوق بس انتبهي لا تختلط مع القشطه يعني صبي بمعلقه احسن
بعدين دخليها الفرن بس لازم اتشغلينه اول ماتبدين تشتغلين وشغلي بس من تحت بعدين شغلي من فوق وخليها لين ماتنضج بعد مااطلعينها صبي عليها الشيره وهي حاره ورشي عليها نارييل او فستق لزينه
وبالعاافيه عليكم..
تسلم الايادي ………………… يبالنا نجرب 
الغالية.. الحليب مجفف ولا سائل؟؟
لا حبيبتي الحليب سائل
يسلموووووووووووووووو
مشكوره بس ياريتج حاطه صوره نتشجع اكثر