السلام عليكم ورحمة الله وبركاته..
بنات ممكن تساعدني ؟
لاني جدا محتاره
انا في الشهر التاسع وفي الاسبوع 38
البارحه فليل وانتن بكرامه رحت الحمام وشفت افرازات كثيفه لوونها احمر شرا مال الدوره ..
هل اروح المستشفى اشوف شو السالفه ؟ ولا الموضوع عادي يصيب اي حامل ؟
انا فيني اوياع بس مب منتظمه وخفيفه
بليز لا اطنشن الموضوع ..^^
ضروري تروحين اليوم وراقبي حركة البيبي
يمكن تكون بداية ولاده روحي المستشفى عشان تتاكدين والله يسهل عليج
ربي يفرج عليج …
السلام عليكم ورحمه الله
عزيزتي اذا كانت مادة مخاطية مع دم فهذي يسمونها السداده تكون بداية الولاده بس مش معناته انج بتربين الحين ( هذا كلام كتاب طبي). عليج بشرب ماي وعسل وشويه زعفران واقري ايات تسهيل الولاده واشربي منه وكلي تمر وصلي ركعتين اطلبي الله يسهل عليج. وتمي امشي يوم بتحسين الالم انتظم يعني كل ۲۰ دقيقه روحي المستشفا. لانج لو رحتي الحين بغربلونج بالفحوصات والاجهزه في البيب اريحلج. لا تخافين حبوبه وخلج ريلاكس.*
انا يوم بنتي الثانيه فديتها يتني هالاعراض ست الصبح والساعه 2 الظهر ربيت يعني شكلج بتولدين الله يسهل عليج حبيبتي
والله يسهل عليج