بغيت اعرف الحين شو المفروض اهل العروس يطلبون المهر اللي يبونه ولا اهل المعرس هم يعطونهم اللي يقدرون عليه؟
والزهبه نفس الشي؟؟
اتريا ردودكم
بخصوص الزهبة أهل العروس يحددونها على امكانية الريال يعنى 50 ألف ولا 100 ألف زهبة اذا يقدر
وفي ناس يطلبون 200 زهبة على حسب امكانية المعرس…
بس تقريبا الكل يطلع 20.000 مهر و 100.000 ـألف زهبة " من دون حفلة العرس "
وفي ناس يدفعون 20.000 مهر و 80.000 الف زهبة…
وفي ناس يدفعون 20.000 مهر و 50.000 الف زهبة " بس يتكفل الزوج بهالحالة بدفع قيمة فستان العروس والمكياج الخاص بليلة العرس "
هذا اللي اعرفه ان شاء الله الخوات يفيدونج………..
اهل العروس يحددون وتشوفون ردت فعل اهل المعرس وتتفاهمون
اهل العروس يحددون بس تقدرون تسألونهم عن امكانياتهم ولو ما عجبكم الرقم تقدرون تزيدونه
ومعظم الناس يحددون المهر مع الزهبه لان معروف المهر 20 الف والزهبه على كيفكم
بس في تفاوضات مب مشكله
ممكن تقولون لهم التوتل 100 الف مثلا او 120 ألف الزهبه والمهر
بس الاهم تشوفون امكانياتهم وهم جم يقدرون يدفعون
والله الموفق ^^
،
نحن ما نطلب خخ
هم لي يبونه يدفعونه ! سوا من مهر او زهبه
هليه موب من النوع لي يتشرط ويقول يبى ويبى ^_^
والحمدلله هل ريلي ماقصروا بيض الله ويهم =)
انتوا بتحددوا وهي بالاتفاق
يعني شو تتفقوا مع بعض
وربي يسهل عليج يارب
انا مستغربة منكم والله..
كيف اهل العروس يحددون المهر؟؟!!! هالشي مب عيب؟؟؟
نحن مانيب طاري المهر موول.. واللي اييبونه نرضى فيه وما نقول شي..