السلام علييكم
بغييت اسألكم بالنسبة للكنادير كيف يكونن؟؟ عادي موديلات وفصوث وجيه ولا كيف ؟؟!! وعادي اكون لابسه جلابيه نص كم تحت العباه ؟؟
وطول السيره متى اتنقب ومتى اتغشى ؟؟
وشو بالنسبة للصابون والشامبو لازم يكون مب معطر حد قال عادي ؟
الشعر قالو لازم ما افتحه علشان الشعر ما يطييح ؟؟
و عليكم السلام
ماشاء الله سايرين الحج احنا سرنا فعمرة رمضان
شوفي حبيبتي بالنسبة للكنادير اخذي مخوره حق يوم العيد
اما للايام العادية خذي جلابيات خفيفة تنلبس تحت العباه و خذي منها اللي يكفيج لانج ما تتفيقين تغسلين
و بالنسبه للشامبو و الصابون ناس يقولون ما يصير بس انا كنت استخدم المعطر و ابدا ما ينشم
و بالنسبة للشعر بنفتح او لا ترى طبعا انتي ما بتفتحين شعرج الا يوم تكونين داخل الغرفه
لا تنسين تاخذين دلاغات وياج و فيه نوعين من الدلاغات الشفافه و دلاغ السيراميك عسب تلبسينها و انتي طوفين الكعبه و عند الصفا و المروه
عباتج لا تخلينها طويله وايد عسب ما تلعوزج و اذا ترومين ترومين تسوين سحاب على ايد العباه بيكون اريح لج عسب اذا تبين تتيددين تتيدين بكل سهوله هب شراتي انا تلعوزت عسب اتيدد كنت افسخ العباه كامل
لا تنسين تلبسين سروال القطن تحت الجلابيه عسب الستر و عسب لا تحتك فخوذج
اتمنى اكون افدتج و لا تنسين حبيبتي بان الله يحقق لي اللي فبالي
ما شا ء الله ان شاء الله اتكون فادتج ورده الجاردينيا
وبعد عندج استفسار نحن حاضرين بس بخصوص الصابون احس سيبا ميد طبي وما فيه ريحه انا عن نفسي باخذه ويايه وحس بعد انه الجلابيات احسلج واذا تبين كنادير اخذيلج مالت العيد امفصصه وكمن وحده بس
ان شاء الله البنات افادوج … والله انه الحج احلي منه مافيه .. والثياب البسي اي شي عادي وخاصه اشياء تريحج مثل الجلابيات الخفيفه مالت البيت .. وشلي وياج جلابيه غاويه او مخوره حق اول يوم العيد ..
والله ما اعرف ان شاء الاخوات يفيدوكي وحجامبرورا مقدما الغلا 
انا اشتريت صابون وشامبو بدون عطر من الصيدليه وبتلاقين بعد سيباميد في الجمعيه
وخذت ملتي فيتامين وفيتامين سي ومضاد حيوي احتياطا.. ومعقم ومناديل معقمه نوع ديتول لان مافيه عطر..
بالنسبه للملابس جلابيات البيت الخفيفه تحت العباه وجلابيه مغربيه حلوه وناعمه لاول يوم العيد.. بس مشكلتي العبي.. ابي افصل عباتين عمليات للحج لان العبي اللي عندي طوال وموديل الكم شوي وسيع..
هاكو حبيبتي انوار ييت و فديتها هي اللي فادتني يوم كنت سايره العمره و ان شاء الله فميزان حسناتها
انوار حبيبتي مبروك عليج الحج احنا كنا بنسير بعد بس ربج ما كتب..اقول الغاليه فصلي عبي بس ع الكم يكون فيه سحاب عسب الوضوء لاني اتلعوزت فالوضوء كان لازم اشيل العباه كامل