مرحبا خواتي انا توني مربيه من 10 ايام انا موظفه بس بعدني ما عطيت بنتي المرضعه
فقالولي إذا ما عطيتيها الحين يمكن ما تقبل المرضعه بعدين انا خايفه اني بعد ما داوم ما تقبل المرضعه ابي خبراتكم
هل في وحده منكم تعطي ولدها او بنتها طبيعي يعني تشفط وتحط له يوم الدوام كيف الطريقه الشفط وحفظ الحليب
ان شاء الله البنات يفيدونج …^^
انا صار لي شهر من ربيت … ومن اسبوع تقريبا بديت اعطي ولدي الحليب الصناعي … رضعه وحدة في اليوم بس ومب كل يوم … علشان يتعود على الحليب الصناعي والمرضعه وما اتعب وياة بعدين …
واربيعتي قدمت استقالتها لان ولدها ما اتقبل المرضعه ابدا .. لا بالحليب الصناعي ولا بالطبيعي …
وحتى بنت خالتي … ولدها عمرة 9 شهور الحين ولين الحين مب راضي يحط المرضعه في حلجه …
ان شاء الله البنات يفيدونج
هلا غناتي
شوفي حبيبتي حاولي ترضعين بنتج من صدرج اول فترة وكل ما تحسين ان فصدرج حليب زيادة اشفطي وحطي فالفريزر لان الحليب يتم فالفريزر 6 شهور، وبعد فترة يعني باسبوعين حاولي تعطينها من المرضعة ومن صدرج عشان تتعود عالشيئين وما تتعبين وياها.
انا جربت مع ولدي بالحليب الصناعي رضعة وحدة بس قبل ما اداوم باسبوعين عسب اشوف اذا الحليب يناسبه ولا لأ، بس فالبداية وايد كان صعب علي ما كان يتقبل الحليب الصناعي بس بعد كم من يوم الحمد لله اتقبله لاني ما اعطيه غصب.
بس مب تتكاسلين تعطينها حليب صناعي من تتقبلها بنتج لان الحليب اذا تم فصدرج وما عطيتيها ولا شفطتي الحليب بتييلج حمى فاتحملي…
وبعد اذا تبين معلومات اكثر اتصلي على مستشفى الوصل واسالي عن الرضاعة الطبيعية لان في وحدة مختصة وبتعطيج معلومات…
للرفع