السلام عليكم ورحمة الله وبركاته
ما اعرف اكتب مقدمات وغير هذا متوتره وااااااااااايد ….ألموضوع باللي فيه اني توني ظهرت من
المدرسه ودخلت الجامعه وتعرفون سكن داخلي وجي فكل وحده تكون قريبه من الثانيه اكثر
واللي صار انه ربيعتي فتحتلي موضوع انها اتكلم واااحد من سنتين تقريبا مادري سنتين ونص ماذكر
وبعد ماقعد انصحها انها تبتعد عن هالطريج وجي قعدت تصيح …تقول هي بودها من زماااان اصلاا
بس تخاف لانه يعرف اسمهاا ويعرف مكان شغل اخوانها وذكر لها مره اسم بنت ان ربيعه يكلمها
وهالبنت من معارفهم ..
بالرغم من انه مايهددها ولا شي بس هي توسوس انه ممكن يسوي شي او انها اذا بتعدت عنه
يكيون علاقات ثانيه ويتكلم عنها …انا حاولت كثر ما اقدر اكلمها وقلت محد ايب المشاكل لعمره
وما اتوقع انه بسوي جي لان اكيد بترجع له بعد عواقب من السالفه بس يوم شفت البنت خلاااص
مب قادره اتركز فدراستها وكله متوتره وتشك وتوسوس بشكل فظيييييع …فكرت اطرح المشكله
هني لاني مادري من شو اقول حقا وحبيت اساعدها بالفعل بكوني اشوفها صج ندمانه وتبغي تودر
هالدرب …
دخيلكن ساعدوني شسوي وياها ..وهل تعتقدون ان اللي توسوس فيه مجرد وسواس ولا صج ..؟؟
اذا ماهددها هي ليش خايفة..
خله تودره وتوب لربها توبة نصوحه..
وتخلي كل شي لرب العالمين والمكتوب بيصير,,
اذا هو يخاف على خواته ما اعتقد بيهددها و يفضحها
الله يهيديها
أهم شيء التوبة وخل اتفوض أمرها لله
هي ممكن ماترد نهائيا على اتصاله أو اتغير رقمها مافي داعي اتبلغه
ومع الوقت بيتعب ومابيلاحقها حتى لو وصل الموضوع للتهديد وان شاء الله لا
أهم شيء النيه الصادقه للتوبه
خلها ترمسه وتتفاهم وياه وتنهي كلشي وان شاءالله الموضوع ما يوصل للتهديد
الله ييسرلها امورها
خواتي ماقصروا
والله يهديها ويهدينا جميعا
يعطيكم الف عافيه
بيبها وبقعدها تقرا ردودكم لان كلامكم نفس اللي قلته له لكن ماتاخذ مني شي يمكن لانها تشوفني صغيره
فخلها تشوف اللي كتبتوه احسن
يعطيكم الف عافيه حبايبي