خواتي اليوم يا في بالي موضوع وجد مار عليه كذا مره وانا مسافره واحسه موقف غريب شوي…ف حبيت اسمع رايكم واذا انتو معاي او ضدي في هذا الموضوع؟؟
من خلال سفراتي المتكررة لأوربا بالذات لا حظت الخليجين عامة (والمواطنين خاصة) اذا مرينا حذالهم و سلمنا عليهم ما يردون السلام واغلبهم اغلبهم شايفين عمارهم واتقولين طالبين منهم شي عافانا الله والسلام لوجه لله… ليش هاي النفس؟؟ جان حد منهم رد السلام من ورا خاطرهم …ترا ما ابالغ والموقف صار كذا مره معاي………هل انتو صادفتو من هاي النوعية من الناس وشو رايكم فيهم؟؟
مممممممممم .. اصراحه لاا .. عمري ماصادفت هالموقف .. بالعكس .. اييوونج ويسلمون ونتعرف ع بعض ونبداا نظهر ويا بعض وجي .. ومره الغدا عندهم ومره عندنا وجي .. اصراحه واايد استاانس من اجووفهم برع .. ^_^
انا يوم سرت من 3 شهووور ألمااانيا والنمسا الصراااحه صادفت اماراتيين بس انا صديت للبنت عسب اسلم فيها بس مصدقه عمرها وقميص وبنطلون وحالتها حاله … وصادفتها اكثر عن مره ونفس الحاله بعد …
الله يهديهم ..
هممم …اذا هم بادرو بالسلام اسلم عليهم ….واذا شفتهم عامة مرّوا بدون مايسلمون مايخصني فيهم
وايد شفنا من هالاشكال …. مع لو انشوف الكوييتيين ماشاء الله عليهم اتقول كلهم اهل
لاحبيبتي انا ضدج بالعكس يوم انشوف حد نوقف عندهم ونسلم عليهم ونشوفهم من منطقه في البلاد والدنيا بخير ترى القله القليله الي شافين اعمارهم على شو اذا هم في اوروبا ترى نحن بعد بس الحمد لله ماصادفني هالموقف ولوصادفني مااعرف كيف بتصرف خخخخخخخخخ عادي اروح واقول ماسمعتو <<<<<<<<<<<<<من صدقج انتي
الحمدلله اللي أسلم عليهم يردون عليّ واللي سلموا عليّ رديت عليهم ^^
عموووما انتي سلمي وخذي الأجر والباجي طنشيــــــــــــــه
أو أنج ميــّــزي .. يعني فيه أشكال فعلا اتتحرى عمرها محد قدها ومادري ليش فهالأشكال طنشيها .. بس فيه عرب سمحيييين ويااارهم الله ويردون عليج ويوجبونج ,, هذيله سلمي عليهم وانتي مطمنة
تقبلي ودي