حامل فالشهر السابع بس عندي مشكلة وهي السوداد إلي معانات كل وحدة فالمنطقة الحساسة والإبطين والركبتين بس بشو تنصحوني أروح إلحين عيادة الجلدية أوبعد ماربي أنا أفضل إلحين أو فالشهر التاسع عشان تكون فترة الأربعين فرصة لي عشان أريد زوجي يلاحظ الفرق بعد الأربعين
حبيبتي سلامتج جدامج ان شاء الله
السواد يمكن من الحمال لان في حد من الحمال يصير عنده سواد في بعض الاماكن… فتريي لين عقب الربا وعقب الاربعين تسكربي….
الله يقومج بالسلامه
انا سمعت انه الحامل مب زين تستخدم اي شي في فتره الحمل لانه ياثر عليها فخلي كل شي لين عقب ما تربين والله يسهل عليج ان شاء الله
انا رايي من راي اختي
يمكن يضرج ولا شي …
تاكدي وعقب استخيري
حبيبتي لا اتسيرين الحينه مااشي فاايده صدقيني..
لان خطر عليج والله وخصوصا انج حاامل..بيعطونج كريمات فيها كورتيزون وهااي الماده واايد خطيره وخصوصا للحوامل لان لاسمح الله يسبب تشوهات وغيره..ابتعدي عن هالاشياء حبيبتي لين اتربين..وبعدين برايج سيري لدكتوره جلديه وخالتوصفلج الدوى..وباذن الله من تخلصين الاربعين ترجعين عرووس^_^..
<<<انا اخبرج عن تجربه لاني كنت حاامل وما ادري اني حامل وكنت استخدم كريم للمنطقه الحساسه عسب ترجع بيضه وفالكريم فيه مادة الكورتيزون..وعقب مافات الاوان خلاص عرفت اني حاامل وبتوأم بعد..وواحد عندي كان طبيعي والثاني كان مشوه..
ورب العالمين اراد وخذ حملي وانا فشهري السادس..وماتوو عيالي الاثنين..
ابتعدي عن هالاشياء..والله يتمم حملج على خير وتربين بالسلامة..
خواتي انا بعد لاحظ هالفتره بدت اماكن تغمج عندي وانا احين جم يوم وادش 9 فشووو الاشيا لي تنصحوني بهاا اسويهاا وتكون طبيعيه نحن عندنا يحنون الجسسسم كاااامل وحد يحط النيل الازرق بس قلت استفسر منكم شوو لي تحسونه اوووكي ابدا به من احين لييين اخلص 40؟؟؟؟؟؟؟