الامهات الحلوات اللي اكييييييييييد تعبانات لكن كله لعيون كتاكيتنا يهووووون
الغاليات موضوع يخص الرضاعه الصناعيه
انا ولدي فديته اسبوع ويكمل الثلاث شهور اول ما يبته كنت مصره ع الرضاعه الطبيعيه عمتيه كانت تقولي عطيه ع الاقل رضعتين في اليوم لانه كان 2كيلو وشوي
خفت اعطيه ويستسهلها
كمل اسبوعين عطيته مره وشربها
ووقفت
وكمل شهريوم عطيته رفضها وحسيته بيزوع
والله يوم خلصت الاربعين ماقدرت اروح الصالون وحتى حنا في البيت ما قدرت قعد كل شوي يصيح لان حليبي ما يشبعه
المهم قعدت احاول معاه وسويت بحث في المنتدى وغيرت المراضع ما في امل
حتى اني طرشت حق كم وحده في مواضيع رسايل خاصه استفسر محد رد عليه
ا
انا اماافطمه اباه يشرب حليبي وحليب صناعي
انا احين اعطيه بروجرس جولد 26
بليييييييييييييييييييييييييييز ساعدوني والله مطلعه صدري 24 ساعه وماراتاح
حتى الجمعيه مش قادره اروح يسويلي حفله من الصياح
اسألتي
يصير البيبي يشرب صناعي وطبيعي في نفس الوقت وما يفضل شي ع الثاني؟؟؟
شو احسن حليب..؟؟؟
خبروني وكل اللي يعاني من نفس المشكله ينضم معايا وانا مستمره مع ولدي لين يتقبل ان شاء الله
عروووووووس لاتكبرين الموضوع
انا سائله الدكتور قال لي يصير تعطينه طبيعي وصناعي
كله اوكييييي….انا اعطي ولدي رضعه او رضعتين من الصدر والباجي صناعي لانه يخليهم شبعانين فتره اطول
ونصيحه قبل لاتروحين الصالون او اي مكان شربيه صناعي عشان يتم شبعان عالاقل 3 ساعات
خذي مرضعه ماركه ايفينت هاي وايد اوكي انا استخدمها لولدي
لاتنسين تعطينه ماي وشكر
والميلوبا
وعد انتي تقولين قعبل ماتروحين مكان عطيه رضعه صناعي ياليت
حبيبتي انا ولدي مره ما يطيع ويصيح يعورني قلبي عليه
ايفينت عندي ما طاع اسهل بيجون عليه
مشكووووووره ع الرد
مرحبا اختي الغاليه
تصدقين لما قريت الموضوع تذكرت عمري كيف كنت اعاني ويا ولدي لين ما بديت ادخل الحليب الصناعي
الحمدلله انا واااااااايد مرتاحه الحين .. حبيبتي لا تحاتين .. الصناعي يشبع الياهل عن تجربه .. انا ارتحت ويوم بديت اعطي صناعي اشوف اليهال شبعان و حتى يرقد الحمدلله .. اختي الغاليه انا استخدم حليب بيبيلاك 1 العادي ،، طبعا انتي اذا تبينه صدق يرتاح عطيه قطرة انفاكول قبل الرضعه و عقب عطيه الرضعه .. سويله 120 مل وبتشوفينه كيف بيرتاح و بيهدا ..
أنا اعطي الياهل 3 مرات صناعي .. الفليل قبل ما ارقدا انا عشان ارتاح في رقادي و الفجر و اعطيه الظهر و باقي الاوقات صدري .دجربي شوفي شو يناسبج و نصيحه قطرة انفاكول قبل الرضعه عشان مايستويله غازات و يرتاح و طبعا عقب ما يشرب لازم دسعينه عدل و بالتوفيق يارب
عادي حبيبتي عطيه صناعي الوقت اللي تكونين فيه طالعه او مشغوله .. بس تحملي لا تكثرين من الرضعات الصناعيه
ترا بيشوفها اسهل وبيودر صدرج مثل ما سوابي ولدي رضعته 3 شهور بسو عقب شاف المرضعه اسهل وادر حليب اكثر وودر صدري 
يصير البيبي يشرب صناعي وطبيعي .. ما فيها شي ..
وانا دائما اعتمد بروجرس جولد 26 ..
وحاولى تتغذين زين علشان يستوى في صدرج حليب ..
شربي حليب طازج (لتر) على الاقل يوميا .. واكثري من السوائل
وكلي (كازو) تراه وايد زين لإدرار حليب الام (عن تجربه)
وعليج بالسمك و الخضروات والفواكه ..
وربي يسهل عليج امورج ويحفظ لج ولدك من كل شر
المشاركة الأصلية كتبت بواسطة Bint-zayed 
تصدقين لما قريت الموضوع تذكرت عمري كيف كنت اعاني ويا ولدي لين ما بديت ادخل الحليب الصناعي
الحمدلله انا واااااااايد مرتاحه الحين .. حبيبتي لا تحاتين .. الصناعي يشبع الياهل عن تجربه .. انا ارتحت ويوم بديت اعطي صناعي اشوف اليهال شبعان و حتى يرقد الحمدلله .. اختي الغاليه انا استخدم حليب بيبيلاك 1 العادي ،، طبعا انتي اذا تبينه صدق يرتاح عطيه قطرة انفاكول قبل الرضعه و عقب عطيه الرضعه .. سويله 120 مل وبتشوفينه كيف بيرتاح و بيهدا ..
أنا اعطي الياهل 3 مرات صناعي .. الفليل قبل ما ارقدا انا عشان ارتاح في رقادي و الفجر و اعطيه الظهر و باقي الاوقات صدري .دجربي شوفي شو يناسبج و نصيحه قطرة انفاكول قبل الرضعه عشان مايستويله غازات و يرتاح و طبعا عقب ما يشرب لازم دسعينه عدل و بالتوفيق يارب
رد
مشكوره ع الرد حبيبتي والله ودي يشرب الصناعي لومرتين بس المشكله من احط الرضاعه يصييييييييييح
بحاول معاه وكلامج وااااايد شجعني