بنات قالتلي الدكتورة الماي حول الجنين ناقص شوي ووزنه 2 كيلو و300 غرام تقريبا بس مازاد من اسبوعين على العموم انا دخلت التاسع تقريبا ها اول اسبوع لي وقالولي لازم تترقدين الاسبوع الياي وبنعطيج طلق صناعي !!! وقالتلي الرحم عندي مفتوح 1 سم يعني بالتحاميل ان شاء الله بتستجيبين للطلق…………. خااااااااااااااااايفه طمنوني اسوي ولا اتريا لين ما اربي لانه مابقا على موعدي غير اسبوعين تقريبا
والله ماعرف شو اقولج
الدكتورة ادرى
انا في حمالي الاول
جيه بعد قالولي
والدكتورة قالت لازم تولدين
قلتلها بتريا موعدي او عالاقل يمر اسبوعين من الشهر التاسع
قالت ليش تجازفين وليش ماتخافين على جنينج
انا و ريلي قلنا بنسير مستشفى ثاني بس عشان اجيك لو كلامها صدق
فرحنا والدكتورة الثانية طمنتنا وقالت صح الماي ناقص بس مب وايد والبيبي بخير
فسويت طاف لدكتورتي وتميت لين ماياني الويع بروحه والحمد لله ربيت بنص التاسع طبيعي
والله يقومج بالسلامه انتي والبيبي
^_^
فديتج انا ماعندي خبره فهالشي..لأني اول حمل لي..
ان شاء الله يفيدوونج الخواات..لاتخافين فديتج خلي اعصابج مرتاحه..
وربي يسهل عليج وتقومين بالسلامه انتي والبيبي..
تسلمون الغاليات وانا بعد جي فكرت واول شئ توكلت على الله وقلت بسير عند دكتورة ثانيه واتاكد احسن وان قالت نفس الكلام خلاص باخذ الصناعي واذا قالت عادي بتوكل ومتى ماياني الويع بسير المستشفى
سبحان الله ذكرتيني بحملي الثاني صار لي جيه بالتاسع قالو لي الماي ناقص وكنت يوميا بس علي جهاز تخطيط نبض الجنين ….وبعدين شو صار الدكتوره حولتني غلى الاستشاريه عسب نبض البيبي كان ما منتظم وعصبت مني انزين انا شو ذنبي شو دراني بهسوالف…لما كشفت الاستشاريه على قالت الرحم مفتوح 2 استغربت قالت ما اتحسي بوجع خفيف قلت لا ؟؟؟قالت بنعطيج طلق صناعي
وبصراحه خفت لاني قريت ان الطلق الصناعي اكثر مؤلم …المهم اتنومت الظهر حاطيين لي جهاز على البطن مال الالم والنبض …وبين فتره اتي الدكتوره الشيك على قالت بتريا ما بعطيش طلق صناعي كانت وايد طيبه …المهم بعدين يت وقالت رحمج فاتح 5 قلت مافي الم قالت اوكي بنعطيج طلق بس مو تحاميل بالوريد….ودوني غرفة الولاده وحطولي الطلق بالوريد وبصراحه هو اتحسيين بحراره بظهرج ووعيع بس ربج المسهل…..كان الرحم يفتح بطئ جدا وانا احس بالتعب ….اتخيلي دخلت الغرفه المغرب وولدت الساعه 12 بليل …لان طلقي كان بارد
بس يالله الحمدالله عدت على خير ويبت ولد ربي يحفظه
بس لاتخافيين اتوكلي على الله وادعي ربج يسها عليج….
والحين انا حامل باثالث …وبولد ان شاء الله شهر 9 الله يسهل
واي استفسار انا حاضره….اهم شئ لالالالالالالا تخافين
انصحج تشربين ماي زمزم لان تركيبته نفس ماي الجنين سبحان الله وانا كنت نفسج بس كنت في السادس وشربت ماي زمزم وارتحت ما اتحرك وااايد وزاد الماي وياااي والله يسهل لج وادعيلي ان الله يرزقني بولد صالح ان شاء الله
للــــــــــــــرفع ^_^