شخباركم يا بنات
أشوفكم نسيتوا عيال الروضة واللي هم أهم شي
واللي تكتب عن الطوابع و الجداول وعن الكبار
ونسينا الصغار اللي
كيف بنعلمهم يندمجو في الروضه
كيف يعتمدوا على عمارهم
و كيف و كيف وكيف
والله انا ولدي انشالله بيسير الروضة
و احس أنه قبل هو ما بيصييح انا اللي بصييح
وايد اخاف عليه واحاتيييه
ماعرف احس انه مابيتعود
مع انه الحين حاشرني
(( ابااسير الروضه بسرعة )) يعني متشجع الحين بس بعدين
الله يستر
ابا كل وحده تحطي مواقف لعيالها في الروضه
واللي عندها أي موضوع يخصهم تحطيه في المنتدى
و السمووووووووووووحة
وأنا بعد السنة بيدش فدييته وأحاتي اول اسبوع بس اللي بيريحني وجود عيال عمه في المدرسة
عني أنا أروح مع الواحد منهم أول يوم وأرجعه وياي وثاني وثالث يوم أقعد معه في الفصل لين أشوفه اندمج بعدين أقوله بسير البيت وبصراحه أتم برع أراقب إذا يصيح ولا لأ وبعدها يتعود
ما أدري أحسه حرام تخلينه يصيح وتسيرين عنه أول يوم عادي أستحملي يومين ثلاث وبعدها بيتعود
وتصدقين ولدي الكبير تميت طول الأسبوع وأنا أسير وياه لين تعود
الله يوفقهم ويحببهم في مدارسهم
انا بعد بنتي فديتها بتسير الروضة
وباخذ اجازة اسبوع وبسوي مثلج ام ميووود
لان لو خليتها اتصيح بتكره المكان
والله يعين الجميع
انا ولدي هاي ثاني سنه له بتكون في الروضه
السنه الأولى وديته أول يوم وعطوهم اللبس وبس قالولهم روحو البيت
وثاني يوم ركبته الباص وانا رحت له الروضه
كان عاااااااادي ومندمج في الربع…ما أدري لإن
الأغلبيه من الأطفال يعرفهم ومن نفس المنطقه..
و أنا ولدي ولوودي بعد بيروح الروة هذي السنة بس تدرون هو متحمس ومستانس ويبغي يروح وأنا ادريبه ولد ما يندمج مع الاطفال الا بعد فترة طويلة والله يعنه بس اول يوم اكيد بروح معاه علشان يتعود تدريجيا اشوي اشوي