السلام عليكم ورحمة الله وبركاته
خواتي أنا مربية من سبع شهور باول مولود لي و حاليا في حمل وانا ماكنت مخططة له ولين يومكم متذكرة الم الولادة ومتعقدة منه ووايد داش ببالي فكرة اني اربي باستخدام إبرة الظهر سؤالي للي جربوه بس لين الحين تحسون بآلام في ظهركم بعض الاحيان ؟ لان سمعت من وحدة تقول ان كل اللي استخدموه اتييهم هالالام بس محد يربطه بالابرة وهاي من اضرار الابرة ومضاعفاته
فشو رأيكم بنات تنصحوني فيه ولا لا وأي مستشفى في بوظبي يسوونه غير الكورنيش
اتمنى من المجربات يجاوبوني مابي ردود بآراء شخصية او عواطف ابي كلام ناس مجربة او دليل علمي بالمختصر (شي يقنع الواحد)
انتظر ردودكم بفارغ الصبر
اختي
انا مرت اخوي جربتها
و وااايد مدحتها
ما صابتها مضاعفات
لانها ماراحت بيت اهلها لان امها متوفيه
ف عشت معاها الجو قبل لا اعرس و الحين تنصحني لو حملت اخذها عند الربى
و ربيعتي خذتها بعد
تقول مرات ظهرها يعورها
بس مب متأكده اذا من الابره ولا لا
وانا ما بإذني ماي راح اخذها ان شاءلله لو حملت
انا من ضربوني ابره الظهر ارتحت لان وايد كنت اتويع لان اول حمل وكنت صغيره وايد
بس في الاربعين اخر الظهر كنت احس بعوار بس ما اذكر اذا كان وايد يعورني
بس اختي الحرمه يوم اتربي طبيعي من غير اي شي احسن وراه اجر كبير وسمعت ربج يغفر لج ذنوبج والله اعلم
القسم في تجارب كثيرة اختي انا خذيتها مرتين وناوية هالمرة
الي ماياخذون هالابرة الي عندهن مشاكل او عيب خلقي مستحيل يعطونها ابرة ظهر
المهم عزيزتي انتي لاتفكرين راح يفتحون ظهرج الموضوع كلها ابره تخدير تحسين براحه وتولدين فعلا من غير الم
عندي اختي خذتها بعد مرتين ولله الحمد مافي مشاكل عندنا ابد
سبق وذكرت انتبهو لوضعيات الرضاعه لن هي المسبب لالام الظهر
وشي طبييعي بالاربعين تحسي ويع ظهر لنج حامل بطفل تسع شهور واخر شهورج يتقوس ظهرج سبب الحمل
من جي يحسون بعوار
انزين سؤال حبايبي… الابرة تخفف الم الطلق قبل ما يفتح الرحم 10 سم والا ف فترة البوش؟.؟
للرفع
السلام عليكم اختي
اشحالج ؟؟
اختي ابرة الظهر زينه في فترة الولاده لكن اكيد لها مضاعفات
اذا ما طلعت الحين بتطلع بعدين
انا ماخذت الابرة
لاني اعرف انه كل الم اتحمله كل ما اخذ اجر عليه باذن الله
اهلنا قبل ماكانو يعرفون ابرة الظهر و الحمدالله كلهم بخير وسهاله
انا اجوف الي محتايا ابرة الظهر هي الي بتسوي عملية قيصرية
انتي شو كاظنج على هاذي الابرة
الواحد يتحمل الويع ساعة
ولا يتويع طول عمره صح ؟
انا الصراحة ماانصحج بالابرة و الله يوفقج 