مرحباااااا خواتي…. اللي عندها فكره عن الاشياء و الاحتياجات للي تلزم المرأه في وقت الحج وشوو الاشياء الضروريه اللي لازم تكون في شنطتها ال(hand bag ),, اللي رايحه قبل تخبرني بلييز..
أولا الهاندباغ الاعتيادية بتصلح لج في كل المناسك
لكن بالنسبة للطواف ودخول الحرم أنصح كل وحدة بالشنطة الـ sling bag
اللي يكون سيرها طويل وتوصل للفخذ وتكون متعددة المخابئ من برع ومن داخل
هاي بتنفعج انج أول ما تدخلين تحطين فيها نعالج (وانتو بكرامة)
والموبايل والبيزات والديتول والكمامات.
وما بتحتاجين انج تيودينها لأنج بتحطينها بالعرض على الكتف اليمين
ونازله على الصوب اليسار (عشان حرية الحركة في الطواف)
2 كمامات
3 ميني معقم ديتول + ديتول وايبز
4 دلاغ مبطن بطبقة من الاسفنج لوقت الطواف (ما بتحسين بتعب الأقدام)
5 عباتين سادة مسكرات ومب طوال
6 علبة بلاستيكية (فيها أدوية شعبية وطبية عشان اذا صابج زكام
:أكياس زعتر ، بابونج ، ينسون ، كركم مسحوق للغرغرة ، أدول ، الخ)
أحيانا تحتاجينهم في وقت ما يكون الطبيب موجود
7 كتيبات تذكرج بأهم الأدعية
8 شيل سودا صفوة أو كيمري (بتبرد الشيلة عليج وقت الطواف وما بتزل وما بتحتاجين تثبتينها كل شوية)
9 أندروير ديسبوزابل عشان ما بيكون عندج وقت تغسلين
10 صابونة غير معطرة
11 trolly bag صغيرة عشان وقت التنقل من الفندق الى منى وعرفة
بتخلين أغراضج في الفندق وبتاخذين الأشيا الضرورية فقط
هذا اللي أتذكره وان شا الله البنات يزيدون 
عندي تقرير عن الحج بالصور من 3 أجزاء في قسم نادي السفر والسياحة
اتفضلي زوريهم عشان تاخذين فكرة كيف بيكون الحج
مشكوووره اختي الدماني ويزااج الله خير ^_^
للرفع
وين مشاركاتكم يا بنات ؟
كيف ترتيب رحلتكم؟ يعني هل الحمله تخليكم تباتون في منى ولا من عقب ال 12 بتردكم مكه ولا العزيزيه؟
معظم الحملات قامو يخلون الناس تقيل في في منى ومن عقب الساعه 12 تردهم الفندق
بس نحن الحمدلله نتم في منى وما نرد الفندق إلا نهار العيد ولا آخر يوم في الرمي
تأكدي بخصوص هالشي وبخبرج شو تشلين وياج ^_^
بنتم في منى