الله يسلمكم انا طالبة في تقنية الفجيرة و الصراحة انا شاطرة بس واااايد عندهم قوانين
أنا دفعه 2024 طالبة بكالوريوس و أبى احول لمعهد بوظبي المهني اللي بالفجيرة اللي يرمسون البنات عنه
عندي شهادة ايلتس 5
استحملوني عندي واااايج استفسارات
ابى اعرف هل بيقبلوني عالكورس الياي او لا و متى اتصلبهم
و ابى اعرف اذا بيدرسوني ماث و هل هو صعب عندهم لان عوقي الماث مول هب فالحه
هل في مواصلات الى دبا ( منطقة ضدنا ) بيزات و لا بلاش
معترف فيها و لا
الدراسة صعبه وااايد و لا عادي
ردوا عليه الله يخليكم لا تهملون
اللي تقدر تتواصل وياي و نكون ربع دراسيا و نتساعد تراسلني عالخاص
الله يوفقج وييسر امرج
ان شاء الله البنات يفيدونج
للرفع
مشكورات خواتي
بس هاللي ردوا وين الباقي كم مشاهدات بدون ردود
رفع
للرفع…
السلام عليكم اختي انا ادرس ف معهد ابوظبي فرع الفجيره
انا جفت بنات من الدفعات الجديمه بس مادري اذا بيقبلونهم ولالا لانهم قالو بيجوفون عقب بيردون عليهم ..
ويبون شهاده ايلس 4 ونص والدراسه تكون ع لفلات ويكون مستويات مستوى اول من لفل 1 لين لفل 3 المستوى الثاني من لفل 4 لين 6 المستوى الثالث من لفل 7 لين 9 …
ماشي ماث قالو لنا في علوم وحكمه بس بعده بيكون ع اخر لفل
وفي مواصلات لجميع مناطق فجيره وبدون رسوم بعد