الكرفس للرجيم ولا للمرضعه

ببدء بالموضوع على طول طبعا الكل يعرف فوائد الكرفس سواء للرجيم او الامراض الاخرى من التهابات او حصى الكليه وغيره..

واللي ما تعرف تسوي بحث على قوقل المهم اختكم ماصدقت تعرف انه مفيد للرجيم ونزول الوزن ومع اني قريت انه فيه تنبيه انه المرضعه ما تاكله ما اخذت التنبيه على انه بتكون فيه نتائج متعبه

المهم اكلت الكرفس قبل النوم مع الروب وثاني يوم الله لا يوريكم الالم اللي ياني في صدري طبعا بجهه وحده وكان صلب والحليب مايطلع واذا طلع يطع جامد مثل الخيوط والله اني مت من الخوف خفت من انه يكون مرض وقعت امسح واقرا واحط ماي دافي وكان طعم الحليب فيه مراره واستمريت اطلع الحليب اللين ماخف الالم والحمد لله راح

فهذي نصيحه المرضعه لا تاكل الكرفس واي تنبيه اتبعوه ولا تقولون ما فيها شي وهذا للجميع

والله يعافينا وياكم