السلام عليكم
موضوعي مهم جدا .. أنا أعاني من الغده الدرقيه و قالولي أنها خامله و في نفس الوقت هي وارمه.. و من يوم عرفت أنا مضايجه الله يعلم بحالي ..أنا ساكنه في دبي وما أعرف عند أي دكتور أسير .. و المشكله أني وايد أتحفظ في موضوع الدكاتره ما أبغي أسير عند أي حد.. الله يخليكم اللي عندها تجربه خاصه في هذا الموضوع أو مع حد من أهلها و كان في تدخل جراحي أرجوكم فيدوني و خبروني وين أسير..
نوروني الله ينور عليكم دنيا وآخره..
فديتج أمي فيها الغده ,, أول ماعرفت تعالجت عند مستـشـفـى النور فـي بوظبي ووصفولهاا حبـه وحده فاليوم
بس يوم رآآحت تايلنـد قالو أن الحبـه ماتكفــي وزآآدوه نص حبـه ,,
أنا أنصحج تعالجين فمستـشـفـى المفـرق لان فيه ستــآآف يديد كله من تايلند ,,
مشكوره عزيزتي على الرد السريع ..
انا عندي خمول فالغده وخووفوني تبين الصراحه ..كلن عنده اقتراح
هالدكاتره الي عندنا والل انهم
سافرت المانيا والحين اخذ حبه يوميا على الريج الصبح
وعندي مراجعه في شهر 12
ولو تعرفين تشخيص الدكاتره هنيه بتستغربين
بس الحمدالله عدت مرحلت التعب النفسي
علاج المانيا عدل من نفسيتي وايد
الله يشفيج
أنا أختي ايضا عندي خمول في الغدة ، وبسببها أجهضت مرتين وما كنت أعرف السبب ..
والحين أخذ حبة كل يوم على الريق لازم قبل الأكل بنصف ساعة عشان جسمك يستفيد منها .. وقالوا لي عقب شهرين اعيد التحليل وأشوف النتيجة .. لأن في ناس ما يستجيبون للعلاج بسرعة فيزيدون لهم الجرعة وفي ناس يقللون لهم الجرعة على حسب الحالة ..
وربك كريم
حبيبتييييييييي انا كانت عندييييييي الغده مضخمه وااااااااايد من عشر سنواااات
وانا اراجع الدكاتره، وما عطونييييييي عنها علاج للان الهرمونات كانت طبيعيه وبعدين يوم شافوها كبرت
بزياده قالو لازم انج تسوين جرااااااحه
والحين سويت جراحه في مستشفى النور عند الكتور عبد السلام الطائيييييييي
والصراحه الدكتور ما عليه كلام الكل يمدح فيه وانا الحين الحمد الله
افتكيت من عواااااار الراس والمرااااااجعاااااااااااات