بنات ودي تعطوني كل المعلومات الخاصة بمدينة العين … ودي ازورها في نهاية هذا الاسبوع … وودي اودي اليهال اماكن تكون باردة نوعاً ما بشو تنصحوني ؟؟
ابا اعرف اسماء فنادق
مراكز
منتجعات او شاليهات
محلات
مطاعم
حدائق
ياريت اي وحده من بنات العين تعطيني خبر …
اختكم
ام منى
حياج الله اختي ::ام منى:: في العيـــalainـــــن
انصحج اختي تروحين انتي وعيالج المبزره ماشيء احلا عنها..
وعندج العين مول فيه ألعاب حق العيال ..وفيه صالة التزلج..
ومركز الجيمي(كارفور)
وعندج الحدايق ..حديقه العاب هيلي
حديقة الحيوانات
حديقة البصره حق النساء والاطفال و الجاهلي و المضيف والمقام ..واااااايد حدايق في العين
حديقة اثار هيلي..
حديقة العين الفايضه
الحديقه العامه اللي عدال السوق..
والفنادق…
فندق هيلتون
فندق انتركونتيننتال
فندق روتانا
فندق العين الفايضة
وفندق مركيور جراند اللي فوق جبل حفيت
والمطاعم في كل مكان في العين..
وبالتوفيق ان شاء الله..
فديت شموووووسه ما قصرت
لا طوفين
المبزره وهيلي وفندق مركيور جراند اللي فوق جبل حفيت او شاليهات المبزره
وان شاءالله رحله سعيده تكون الكم
واتمني من ترجعين من رحلتكم لا تنسين تخبرينه عن رحلتج
ماشاء الله بنات العين ما قصرن اختيه وإن شاء الله تكون رحلة سعيدة ،،،
تسلمون والله بنات العين ماتقصرون … للاسف اجلتها للاسبوع هذا .. لسبب ظروف بس بسحب كلام اختي شموسه … وبخليه عندي … تسلمين الغالية وماتقصرين
بس اي وحده عندها معلومات عن حديقة الحيوان انا عندي بنات صغار يعني اكبرهن تمشي في ال3 سنوات ووحده سنتين ووحده نونو توها اربع شهور … شو الجو وشو المكان ان شاء الله زين وشو انسب وقت اوديهن
يبون يشوفون الاسد .. شيء اسد هناك
انتظركم
انا والله
بالصرااحه احب لامبزرة وانصحج انه هناااك اشوووي الجوووو حار بس
اختي لو بغيتي شاليهات شي في جبل حفيت وعين الفايضه