العمر عليا وعليك ياخل كان لحبنا محسوب…
وهذا العمرضاع واللي يضيع للاسف ماله مردود..
لاتجي تحسف الوقت فات وانتهى بوقت الغروب..
وصدقني لاقلت لك انتظرتك والوقت كان لحبنا محدود..
وصدقني لاقلت لك ماعشت بعدك يوم فيه مطروب…
عشت يومي كله بحزن عايش على امل منك ووعود..
انا لوكنت رايدة واحد غيرك يمكن ماقامت حروب..
وماشبت نار ووصل حبنا يوم لطريق مسدود..
ماعد ينفع تحسف وان كان مالك غيري بالارض محبوب..
انتظرتك على نار وانت كنت ياخل تجي صوبي ببرود…
@@@@
ياخل ماجربت يوم مثلي كيف بين اهلك تصير مكروب..
كيف تصد عن كل عين تلتفت صوبي وتصير مطرود..
اخفي عبرتي لايسالوني ويظهر بوجهي صفار وشحوب..
الزاد صار مايداني شوفتي لين قالو عني الناس محسود..
اسمع قصتي بين العرب كيف غدت امثال وضروب…
لين قالت الناس البنت تشكي مرض يالله عساه محمود..
ماتصدق لو قلت لك النوم بعدك ماعد لي فيه مرغوب..
يمر الليل عندي نهار وكني لشوفتك يوم موعود…
@@@@
ولاتصدق لو مرليل نور الامل يلوح فيه وبعيني محجوب…
كنت اصارع لاجل اشوفه واسمعه يقولي بتعود..
ومادريت كيف كنت اكتم صرختي لاصحيت على امل مكذوب..
واتصبر كيف كنت لين قالو علي انسان ماله حدود..
ويعلم الله كيف كنت لاجلك اتعنى واقطع مسافات ودروب..
وكيف لاصاحت الناس كافي قلت لهم من عذابه ابي زود..
واختنق حيل بحسرتي لاقالو عليك العمر محسوب..
وكيف لاضاع العمر واللي يضيع للاسف ماله مردود..
ماله مردود..ماله مردود..كان العمر علينا محسوب..
والعمرضاع..ضاع…وضاع العمر علينا بوعود…
@@الجلنارة@@
يسلموووووووو اختي ،، واحلى مقطع عجبني ((العمر ضاع ضاع وضاع العمر علـيناا بوووعوود))
سلمتي ع الكلمات الحلووه
كويتية دلع وروووووووووووووووووووح الدماني كلي لكم شااااااااااكرة على المروووووور وياهلا
جلنارة
أهلا بكِ غاليتي في القسم الأدبي
نورتينا
أبدعتي عزيزتي بكلماتكِ الجميلة
كتبتِ بكل معنى الألم
أشكركِ على هذه المشاركة الرائعة
انتظر المزيد من إبداعكِ
أرق تحية لكِ
دمتِ بكل ود
درة الامارات
ياكل الدرر في بحر الشعر انا اللي بصراحة لي الشرف ان احظى بمرورك واتوسم بوسام المديح في حق ابياتي في امتداحك وثنائك واطرائك اللي فاق مااستحقه…
ياهلا فيج وياكل الدرر كلي لك شاكرة مرورك واطرائك واتاحة الفرصة لي الغاااااااااااااااااااااالية