العصيده بالصــور حياكم - امارتيات الخليج

السلام عليكم ..

شحالكن .. ؟

رديت لكم مره ثانيه عقب ما حمستووني .. ههه

أشكر كل البنات اللي ردوا ع مواضيعي السابقه … و بالنسبه للكيمره .. بعض الخوات سألوني عنها هي Sony alpha..

انا شفت وحده منزله موضوع تبى طريقة العصيده ( ماذكر اسمها ) جان أسوي لأمي … سألتها و شفت طريقتها شوي صعبه .. قلت بسهلها عليه و عليكم فالطريقه هاي ..

و بالنسبه للمقادير ما اقدر أحددها لانه هالشي تقايسينه بالنظر .. مثل الطحين و كمية الماي ..و الباقي ع حسب الرغبه..

المقادير:

طحين رقم2

شكر

دهن خنين

هال-زعفران

الطريقه .. بسيطه …

أحمر الطحين عالضو و أخليه..

في جدر ثاني أحط الشكر و أخلييه ليين يحمر .. انتبهي لأنه الشكر هووه يحدد لون العصيده .. اذا خليتيه واايد… بتطلع غاامجه ..و يمكن مره

صبيت الماي.. و خليته لين ذاب الشكر.و ضفت الزعفران و الدهن و الهال .. و شليته عن الضو ..

يبت مشخله .. حطيت الطحين اللي حمرته فيها .. قمت أنثر شوي شوي و انا أحووث ..لازم الماي مايكون يفوور ولا بتعقد ..و حركتج فالحوث لازم تكون سريعه .. أتم أحط و أحرك لييين أحس انها استوت كثييفه ..

رديتها ع نار خفيييفه ..و خلييتها تفوور و انا احرك..

اذالاحظتوا.. تراها شوي استوت غليظه ع الضو ..

و أصبها في صحن .. و ماننسى الدهنه ..

أو في ملال صغاار .. ع حسب ذووقكم ..

و التقديم ..

و هني و عافيه عليكم ..

دمتم بــود

تسلم ايدج أختي شكلها لذيذ..

Thanks my dear

مشكورة يالغالية …

بصراحة اشتهيت اسويها ….

وطريقتك نفس طريقتي

انا اموت على العصيده والخبيصه وان شاء الله بسويها
تسلمين فديتج

Yummy Yummy

Thanks all =D

اترك تعليقاً إلغاء الرد