هلااااا و غلاااا بخواتي الغالياااات
يلا عطوووني رااايكن عروصات
كلما اسأل بنـــــــــــــت تقول لي يوم السبت احسن من ايام الاجازات << لأن في الاجازات تستوي القااعه عفســـه و يولـــه و اخس شي من الحريم ما يخلن ياهل ( اولاد و بنات الي داخلين المدارس ) الا و اييبونه وياهـــن و يااالله هالحشــرة و الركيـــــض و التعفيـــــد على الكوشـــه و الا يوم تدخل العروس كلهم يتكودون عليها … << حتى لو كاتبه في البطاقه بعد ماااااشي فاااايده ساعات الوحده تتلوم في الناس فغصبا عليها تدخلهم هم و شلل الصغاااريه الي يايبينهم ويا بشاااكيرهن بعـــد
يعني صدق انا هالي شفته بعيوونــــي صغاريه فووق الكوشه و ينتفونها .. و صغاريه ركييييض في القااعه .. و زحمـــــــــة بشاااكيـــــر وو حـــــريم تعرفينهن و مااااا تعرفينهن خااصه اذا كان العرس في فندق رااااااقي و كلااااس
يعني انا كنت ابا عرسي فالخميس و لا الجمعه بس يقولوا لي الحين كل حد يشتكي من اعراس هاليوميــن << قصدهم العرايس يعني
فأنتو شووو رااايكم .؟؟
للرفع
*آڷڝرآآحة آفـًضضڷ يۈم آڷسبت ۈ آڷآحدِ ۈ آڷآثنّينّ ^^
ۈ آڷسمۈحة
حلـآتهـ آلعرس بآلنآس وآليهآلوآ . .~
أنآ افضل آلخميس او آلجمعه لـأن توفعي تسوينهـ فهآليوم وآلنآس يقولون يم آلسبت وبعدين أحد وبعدين مدآرس ومآ بيووون وتلقين عرسج فآضي شو بيكون ردت فعلج . .
والله حلـآت آلعرس باليهآلوآ وآلنآس والحشرهـ . .
أنآ ربيعتي ندمت لـأنهآ سوتهـ يوم من ايآم آلمدرسه والله ندمت مآ كاان فيه حد وحتى روحهآ قآلت لو مب ربيعآتي يايين والله كنت بصيييح وحتى ع أخر شي صآحت تحسين آلقآعه فآضيه من الخاطر . .~
سوي يوم اخلميس أو آلجمعه بس حطي 2 من آلفلبينيآت عند آلكوشه وهم مآ بيخلون آليهآلوآ يروحون ويعفسون . .
احلى العرس فلأيام الويكند فأيام المداارس الناس بيستثقلون ايون ومثل ما قالت الاخت حووررر حلاتهاا العرس بليهال حطي فلبينيتين عند الكوشه ومحد بيخرب ولا شي^^الله يوفقج حبيبتي
الخميس احسه واايد حلو السبت محد يي لان اليوم اللي بعده دوامات ومدارس
طبعا طبعا طبعا الجمعة
اولا من اطيب ايام الاسبوع ,,,
ثانيا سهرة السبت يعني ماشي دوام بالباجر
و ثالثا حلو حق المعرس ما يضطر يطلع حق صلاة الجمعة ,,ينش براحته و يصلي الظهر
و عن اليهال شي غرف في بعض الفنادق مخصص حق الامهات الي ما يستحن و يبين يهالهن حق تخريب الاعراس ويا مشرفة ..تفرهن مناك و لا تتوكل ترد بيتهم