السلام عليكم ورحمة الله وبركاته ..
شحالكم خوواااتي ؟؟
بغيت أعرف متى بديتوا تطلعون ويا عيالكم بعد الولاده 
.. يعني مولات ومطااااعم….الخ
وكيف كنتي ترتبين للطلعه … وخاصه لو كان طفلج بعده توه شهرين أو ثلاث شهور 
وكيف تتصرفين وياه لو كنتي تحوطين فالمركز وكان يصيح 
! وتخليه ساكت ومرتاح عشان ترتاحين فالطلعة
أتمنى تنقلون لنا تجاربكم عشان نستفيد من بعض 
…
ومشكووورين 
حلو الموضوع
وان شا الله الامهات ما يقصرن بتجاربهن
بتابع الموضوع باذن الله ^^
المشاركة الأصلية كتبت بواسطة Mall.08 
وان شا الله الامهات ما يقصرن بتجاربهن
بتابع الموضوع باذن الله ^^
تسلمين حبيبتــي
بإنتظار آراء خواتنا …
والله الطلعه اولا خلاص لازم تكونين رايقه أنا بدين اطلع يوم عمره شهرين و الرضاعة صعبه في الاماكن العامه بس بديت أخذ راحتي و ما استعيل و أسير غرفه الرضاعة و ارضع و ابدل بابمبر و ارتب عمري و اكمل أتسوق و لا ارد المطعم و إمرار أسير ارضع لين مايوصل الاوردر
و صح اتوتر يوم يصيح فالسوق بس كل ماكبر يخف التوتر و اطنش ساعات صياح دلع بتقومين تعرفين شو يبا و الحمدلله
المشاركة الأصلية كتبت بواسطة M.T و صح اتوتر يوم يصيح فالسوق بس كل ماكبر يخف التوتر و اطنش ساعات صياح دلع بتقومين تعرفين شو يبا و الحمدلله
مرحبا الغاليه …
انزين ماتحسين ريلج يطفر شوي من التأخير
يعني لين ماتدخلين وترضعين وتبدلين يبالج نص ساعه تقريبا !
المشاركة الأصلية كتبت بواسطة pearlly انزين ماتحسين ريلج يطفر شوي من التأخير
يعني لين ماتدخلين وترضعين وتبدلين يبالج نص ساعه تقريبا !
هلا اختي هههه والله احس ساعات كان يطفر يوم
يصيح و نحن فالمطعم يوم كان بيبي بس قمت أتفادى و أسير غرفه الرضاعة
و لو دخلت هو يكون يالس فالكوفي ما يترياني و اذا
صادف يتريا عادي ما يقول شي بس أنا استعيل من نفسي و اي سوال سالي خلاص مودره الرضاعة من زمان
فالبدايه كنت وايد خايفه وستشرت ربيعتي لاني وايد اشوفها تطلع حتى فالاربيعين
انا من النوع ماحب الازعاج نصحتني آخذ عربه وفتحى فالبيت وحطه فيها عشان يتعود يقعد فيها وعشان اشوف رد فعله
المهم الحمدلله شفته ارتاح يوم رحت المول اول مره صراحه كنا انا وزوجي جدا متخوفين
واذكر اول يوم كان يوم الجمعه بعد صلاة الظهر فرمضان قالي تعالي نجرب نطلعه
يوم حطيناه بعد نص ساعه رقد فرحنا الحمدلله بسرعه كملنا تسوق ويوم نش روحنا البيت
بس نسيت اقولج كان عمره شهرين وكنت معودتنه على اللهايه