مرحبا بنات
خواتي عندي مشكلة صحية وبصراحه ماثرة علي واااايد
بنات يومياااا بالليل لازم ييني صداع نصفي يموتني من الالم احس اني بنص راس والباقي يتاكل
الالم واااايد فظيع تعبت وانااا بس اخذ بندول اخاف لا ادمن عليه واساسااا مايحل مشكلتي ابد !!!
واذذا بتقولولي سيري عند طبيب اناا بروح بس مقدر هالايام لضغط الي صاير لي ولان المستشفى بعيد شوي عناا
تعرفون كيف اعيش هالفترة ؟؟؟ على أبو فاس (دوا تايلندي مادري سنغافوري يبته من الامارات قبل لا اسافر) وهالشي الي للحين مهديني
كلمت ربيعتي بالمسن تقولي حطي زيت ساخن براسج واقري الفاتحه سبع مرات ومسكي مكان الالم وفعلا جربتهااا سبحان الله اول مرة وانا اقرى رقدت وماحسيت عمري الا باليوم الثاني
وهالمرات بعد مافي نتيجه ((اساسااا الجو عندنا برد وهالشي الي احسه ماذيني ))
اذا في دواء جربتوه للي عانو من الصداع النصفي او زيوت او اي علاج سمعتو عنه فيدوني
اكيد بستشير احد عقب اخذه
وسلامتكم
الله ايشافيج اختي ويردج بسلامه بشهاتج يارب والله يااختي بنسبه لصداع النصفي يهلكني الالم هلاك ويخبل فيني ومن شده الالم احط ابو فاس بجلده الراس والبندول مايسوي شي بس اظرب ابر فولترين عنه واخذ حبوب اسمها ميجرين بس تراها قويه ولها اثار جانبيه يعني الابر اخف تعرفين اختي والله شعري طويل وغليظ بس من شده الالم قصيته واحيانا اذا مارقدت عدل او ماكلت والحاله النفسيه اتزيده
المشاركة الأصلية كتبت بواسطة نهاية فرح 
اللهم امين
اختي والله انا احيانا توصل فيني احطه بعد بالجلده الله يكون بعونااا ياعزيزتي بس عالحبوب دام فيها هالاثار ماااظن بقدر اخذهاا تراني ادرس الصبح والليل قريب بشتغل بالجامعة وهالي مخوفني
الله يشافينا يارب بس عذااااااب هالصداع
الله يشفيج ويعاافيج ويأجرج ياارب
حبيبتي كل صداع وله سبب …….
أولاً : لازم لازم تعرفين سبب الصداع ,, حاولي تروحين وتسوين تحليل شامل
لمعرفة السبب ,, لا تتهاونين بالموضوع ابداً خاصة إذا كان متكرر …
الصحة مايعادلها أي شيء ,, وإذا أنتي ماهتميتي بصحتك منو بيهتم …
لا تتكاسليت وتتعذرين بأي شيء ,, لا بكرة تكبر المشكلة وتضطرين لما هو أكبر من مجرد تحليل ..
ثانياً :
ما ابغى أخوفك بس ترى شدة الصداع هي أقوي سبب للجلطة ,, وخاصة إن كانت من إرتفاع الضغط
ثالثاً : أنا أعاني من الصداع كثيراً بسبب إنخفاض السكر المفاجئ وبعد ما أعالج المشكلة الأساسية هذى
بتناول قطع من السكر عشان يرتفع أقوم بالخطوات التالية …
والبنادول ابداً ماتنفع مع شدة الصداع فقمت أستخدم مسكن الأسنان جازوفين …
وكمان أسوي مساج لراسي بزيت الزيتون وللرقبة وللوجة خاصة فوق الحاجب …
وما يختفي الألم إلا بعد ما أشرب قهوة وأخذ حمام كامل وخاصة شعري أغسلة وأنا ناكسة رأسي على تحت
عشان تتحرك الدورة الدموية ويخف الصداع ..
رابعاً :
لا تتهاونين بالصداع الله يعافيك ……….
الله يشفيج يالغالية
سوي حجاآمه أحسن لج
حبيبتي انا من الناس اللي من طفولتي وانا اعاني..من الصداع النصفي..لدرجه اجلس يومين او ثلاثه ماادري عن العالم الخارجي ولااحس بالناس مثل التخدير لاادويه ولامسااج مانفع…رحت عند اخصائي اعصااب وقالي انتي مصابه بالشقيقه وهو اقوى انوااع الصدااع…واعطاني حبوب اسمها كفرغوت…اخذ حبتين اذا جاني الصدااع…هاذي الحبوب تخليك تنامين بس تصحين تحصلين الصدااع رااح..المهم لمن اتزوجت اختفى الصدااع تدريجي الين اختفى …بس صاار يرجعلي بعض الاحيان ..رجعت للدكتور منعني من الاصوات العاليه التعرض للجوء الحار للبخور للرطوبه الاضاءت العاليه….ومنعني من الجبن والفاصوليا والشوكلاته والبيبسي…وفعلا اتجنبتها واختفى….
رجعلي يوم العيد الرابع تخيلي اخذت حبيتين بنادول نايت واخذت زيت زيتون وسخنته وخليت الشغاله تسويلي مساج لفروه الراس…والرقبه ومؤخره الراس…والله رااح بسرعه…ونمت بعدها ….احيان الضغووط والتوتر وشده الاعصااب والقلق يصدعني…………………………انا لمن قرأت موضوعك حسيت بمعاناتك….والله يشفيك بس لازم تروحين وتتأكدين…