السلام عليكم
خواتي اي وحده تعرف علاج و صفه أكله عشبه اي شيييييييي لصداع النصفي ( الشقيقة ) دخيلكن تخبرني
والله من شدت الإلم احس بالغثيان ( تضربني لوعه ) و احس عيني بتجلع من مكانها
تراني ما خليت دخاتر ما سرت لهم و ماشي فايده…ادوية الشقيقه اثارها الجانبيه ما أحبها غير إن ما منها فايده
خواتي ساعدني و لكن الآجر إن شاء الله
انا بقولج كنت اكلم خبير اعشاب
و قالي عن خلطه اذا استمريتي عليها 3 شهور بيخوز الصداع النصفي والله اعلم .. و انا كنت ماخذه هالوصفه
لواحد من قرايبنا
بس اضن ما تنفع للحريم لان فيها حجامه .. عالعموم هذي هي
1- الحجامة كل 45 يوم
2غم عذاء الملكات عالريج
و تشربين شاي زعفران و يانسون 4 اكواب يوميا قبل الاكل بنص ساعة
و هذا علاج لمدة 3 شهور
و ان شاء الله يفيد …………
و السموحه
الله يعافيج ويشافيج يارب
الاخوات
شفافة الشوق
و
أم أحمدومحمد
جزااااااااااااااااكم الله خير
لكن اختي شفافة الشوق واين بحصل عياده اتسوي حجامه في دبي ..؟؟؟
أنا الصراحه ما اعرف
الله يعين….خواتي اللي تدخل الموضوع لو ما تعرف علاج تدعي لي في هالساعه إن يخوز هالعوق عني
الكل يمدح الحجامه والرسول صلى الله عليه وسلم موصي بها
دوري عياده زينه والله يشفيك
هلا اختى
اتصدقين انا عانيييييييييت مثلج صداع نصفي . يالله تعب صج
رحت المستشفيات وجي ما نفع … لما سويت الحجامه ع طول خف عني وهذا الكلام من سنه
والحين الحمد الله ما ييني الا بشهر مره وقت الدوره بس
حبيبتي انا من راس الخيمه سوري ما اعرف عياده في دبي
ما اتشوفين شر غناتي .. انا من 3 سنوات .. كنت اعاني من صداع فضيع لدرجه ما اقدر اتحرك من مكاني .. و غثيان .. روحت المستشفى .. بس اخذ بهالابر .. المهدأ .. و يوم سافرت حق العلاج .. قالوولي .. انتي اصلا مافيج صداع نصيفي امنو قاص عليج .. المهم .. قالوولي الي امسويبج جي .. ان عندج في عيونج مثل شراين متفجره و امسببلج انتفاخ في عيونج .. و ها الي امخلنج جي .. تعبانه .. ها رمست الدكتور … الي برع البلاد … و قبل لا اسافر .. روحت سويت حجامه في الشارجه .. و الحمدالله ارتحت .. بس بعدين رد عليه .. و رديت سويت حجامه .. بس ما نفع .. المهم .. بعد ما سافرت و اتعالجت .. و خلصت رديت البلاد .. و كملت علاجي .. عند دكتور انور السجواني .. لفتره و الحمدالله لين ما خف الانتفاخ .. بس راسي بعده يعورني .. المهم .. حولني على دكتور هاشم دكتور عظام .. المهم شرحتله .. و عطاني دوا مثل البندول .. خذت حبه الحمدالله .. قلت هاي الحبه ولا بلاش .. بس شو بنقووول.. رد عليه مره ثانيه و انا الحين ارد اعاني من الصداع
و مثل ما سمعت .. ان الصداع النصفي ماله علاج .. و الله اعلم .. الي نقدر عليه انسويه ..
الله يشفي الجميع يا رب ..