مراحب ياكروشات
موضوعي عن الصبغة مال الشعر و كريمات لأزاله الشعر مثل الفيت ونير و غيرهم
أنا خاطري أصبغ شعري على العيد وخايفه على جنيني و في نفس الوقت خائفه أحط فيت و أشل الشعر من ايدي لأني ما استخدم الحلاوة او الواكس لأنهم يضروني وايد اذكر في حملي الاول صبغت شعري و سويت كيرتين و الحمد لله ما حسيت باي ضرر
سؤالي منو جربت او منو تنصحني أصبغ عادي بعد ما ادخل الشهر الرابع و شو رأيكم بفيت اتوكل على الله و أحاطها
ولا شو تقترحون فيدوني الله يسهل عليكن
للرفع …
ما عرف و الله … بس أتجنب هذا كله …
لانهم نعمة وأمانه من رب العالمين و مو متحملة أجازف و لازم أحافظ عليهم ….
الله يوفقج
اتجنبي كريمات ازالة الشعر في فترة الحمل اما صبغة الشعر اللي اسمعه انها ماتضر بعد الثالث ولازم تكون بعيده عن الجذور عن نفسي ما أصبغ من احمل لين إربي ومن اخلص الاربعين أصبغ مني نيو لوك ومني انا مرتاحه ما أذيت الجنين
مشكوران حبيباتي بس كيف أتصرف ويا الشعر اللي في ايدي من حملت زاد بشكر مب طبيعي و تعرفون الحرمه لازم تبين أوكيه جدام ريلها
استخدمي الواكس والا المكينه احسن والواكس اخف من الحلاوه جربي مساحه صغيره اذا ما حسستي كملي
لاحقة حبيبتي على الصبغة اهم شي صحة الجنين