السلام عليكم
انا بكتب قصتي باختصار وارجوا منكم النصيحه لاني صدق ضايجه ومهمومه من التفكير
انا عمري 28 متزوجه من شخص كنت اعرفه اكثر من سنتين وبعد ما حبيته اعترفلي انه متزوج وعنده ولدين والثالث جاي المهم انا طبعا انصدمت ان ليش ما خبرتني من إلبدايه ليش خليتني أتعلق فيك وآخر شي تطلع متزوج ولا عندك عيال المهم انا وافقت لاني ما اتخيل نفسي مع احد ثاني أبدا وأحبه لدرجة الجنون ادري بتقولون غلطانه وانا ادري اني غلطانه ويتعب في حياتي بس المشكله وقتها القلب اللي يتحكم حتى لو العقل يعرف ان اللي أسويه غلط
المهم المشكله مب هني المشكله ان كان عنده شرط ان زوجته ما تعرف لان ما يعرف ردت فعلها ويخاف ينهدم بيته وتطلب الطلاق وقال اذا وصلت للطلاق انا بختار اني أطلقج انتي
الحين نحنا متزوجين من 4 شهور وهو على فكره اهله كلهم يدرون وسويت عرس بس لين متى بتم عايشه وانا مهدده بالطلاق اذا عرفت حرمته
ساعدوني شو أسوي هل ممكن احصل حل وأخلي زوجي ما يطلقني وهل تقدر زوجته تطلب الطلاق وتوافق المحكمه مع انه أبدا مب مقصر في حقها وفي حق عياله وانا مستعده أتنازل عن وايد من حقوقي بس ما يطلقني
يالله والله العظيم موقفج جداااا صعب كيف قبلتي يا اختي بشخص بصريح العباااارة قالها لج لو بينج وبينها بيختارها هي وبيطلقج .. لاحول ولاقوة الا بالله العلي العظيم لا انا ولا غيري عندنا حل او جواب مفيد مالج غير تستغفرين وااايد لعل الله يحنن قلب الاولى اذا عرفت
سمعي حبيبتي لا تخليها تعرف اذا قدرتي ودعي الله وكثري استغفار هاتي منه عيال عشان مايطلقج ينحط الكل قدام الامر الواقع بس حتى لو جبتي عيال موضروري تدري هذيك خلج في عش الحياه الزوجيه وتركي التفكير عنج الله يكتب لج كل خير يارب
كلميه وفهميه بعقل وبكل هدوء
خبريه انه الشرط مايجوز واسألي الإفتاء 8002422
وهذا مو من العدل بين الزوجتين
والله يهديكم أجمعين
المشاركة الأصلية كتبت بواسطة ام الدحمي 
شو أسوي يا اختي الله يعين والله محد يدري كيف انا تعبانه ونفسيتي شو اقول بس
الحين هو قالي انا بحاول قد ما اقدر ان الموضوع ما يوصل للطلاق بس هو خايف ان المحكمه توافق وهو يقول ان يحبني مووت بس ما يقدر يهدم بيته
شو أسوي يا اختي الله يعين والله محد يدري كيف انا تعبانه ونفسيتي زفت الله العالم بحالي
الحين هو قالي انا بحاول قد ما اقدر ان الموضوع ما يوصل للطلاق بس هو خايف ان المحكمه توافق وهو يقول ان يحبني مووت بس ما يقدر يهدم بيته