السلام عليكم
شحالكم ؟
من زمان ماكتبت موضوع بس اليوم كتبت خاطري افضفض اللي بخاطري….
والله دوم كنت اسمع انه وااايد من اللي يتزوجون ينجلبون على الكل والله خاطري اعرف ليش شو يعني انج اتزوجتي تنجلبين على ربعج وتمشين ورى ريلج جنه مشتري شي ويمشيه على كيفه والله شو هذا الزمن وايد ناس مايقدرون الصداقات ولا السنين اللي كنا مع بعض مجرد يتزوجون ينسون كل اللسنين الحلوى حتى ينسون اشكثر ربعهم كانو احبونهم وتمون أجرحونهم بدون اي اهتمام …. حلو الوحده تتزوج وتكون بيت وأسره بس لازم اتكون لها شخصيتها وربعها يعني اشياء خاصه فيها مب تبيعه في كل شي على حساب غيرها …
أنا الصراحه مب رايمه أكمل بس على الاقل طلعت شوي من اللي بخاطري وصح ربيعتي انجلبت علي عشان ريلها وهي اغلى وحده عندي والله لين الحين اعتبرها مثل اختي بس مااقول غير الله يسامحها وحسبي الله ونعم الوكيل .
…………………
والله حاسه فيج .!!!
بس عبالهم لو عرسو خلاص ملكو الدنيا ومافيها ..اكيد بيمرون في ظروف وبيذكرونا وبيتمنون وقفتنا معاهم نفس قبل .!!
الله يسامحهم
بس عااادي فديتج ..الحياه تمشي معاهم وبدووونهم …
يوم بتتزوجييييين بتحسين ان ماشي مجال انج تتواصلين ويا حد غير ريلج وخاااصه اول الفترات بس عقب خلاص يوم تمر فتره من الزواااج الريل بينشغل فـ بترد تكلم ربعها..
والسمووحه
المشاركة الأصلية كتبت بواسطة فديت هدبه 
والسمووحه
صح كلامج اول فتره مابتحصل وقت بس بدون ماتجرح اللي خولها بالكلام وخاصه لو ريلها مايباها اتكلم وحده ماتكلمها وتنجلب عليها شو ذمبها البنت
عاد مب الكل انا الحمدالله تزوجت وماتغيرت ع ربيعاتي وبالعكس زادت الصداقه اكثر عن قبل ..
بس في ناس جي مثل مارمستي عنهم عافان الله ينسون كل شي ..
الله كريم..
آنتي مـآتعّرفين ظروفهـآ .. يمـڪن عّرسَت وآنشغلت بحيآتهـآ آليديدهـ وڪل شي مـن حولهـآ يديد ويمـڪن آلعّرسَ لهـآهـآ شوي عّن ربيعّآتهـآ
بسَ آذآ هـي صدق تحبج وتعّتبرج ربيعّتهـآ وآختهـآ آڪيد آنهـآ مـآبتنسَآج
آنتي آبدي ڪلمـيهـآ .. لآ تضيعّين هـآلصدآقهـ بنشغآلهـآ شوي عّنج
ڪل شخص عّندهـ ظروفهـ وينشغل شوي عّن آللي يحبهـمـ وهـي عّرسَت ودخل آنسَآن مـهـمـ في حيآتهـآ
لآ تلومـينهـآ .. بآلعّڪسَ ردي قوي هـآلعّلآقهـ بينڪمـ مـثل قبل وآقوى