السلام عليكم
الله يسلمكم انا متقدملي واحد .. بس ها الشخص عاداتهم وتقاليدهم وايد غير عنا .. الصراحه عندهم عادات مب حلوه وانا مب متعوده على جي .. يعني مثلا كل حد نفسي نفسي .. وانا عايلتنا بكبرها كلهم ايد وحده .. من الحينه افكر ف شوو بيستوي باجر.. بليز لا تفكرون انه المعرس ما يتعوض والوحده تعرس احسن لها ومن ترضونه دينه وخلقه كلام رسول الله عليه الصلاة والسلام اكيد انا مب ضد .. بس من اولها انا مب حابه سالفة انه هم طبعهم غير عنا.. اشورون عليه اني ما اقبله ولا بس ابا اراء .. بدون لا ضرابه ولا شي.. يعني اذا في وحده ماخذه واحد واكتشفت انهم وايد معيشتهم غير .. ارتاحت ولا رضت بالامر والواقع ولا شوو ؟؟! لا تبخلون بردودكم خواتي
صلي الاستخاره ..قبل كل شي. واذا الريال زين لا تفرطين فيه … وعقب اذا الله اراد تقدرين تغيرين اللي ترومين عليه
تعرفين اختي خذت واحد عاداتهم تختلف عن عاداتنا ب 180 درجه ….. تقولين هم بغرب واحنا بشرق بس اختي شو بتسوي بتم مثل ماهي على ماتربت عليه وبتربي عيالها مثل ماتربينا ومثل عاداتنا لأنها أريح النا وبالعكس احس ريلها متقبل هالشي…… يعني باجر ان شالله يوم بتكونين عيله انتي الي بتربينهم على ماتبين ….. وتبنين بيتج بإيدج انتي وريلج … يعني هالشي تكونين متفقه عليه انتي وريلج وبتشوفين شوي شوي هو بيتعود على جذا وربي يوفقج ان شاالله….
صلي استخارة …
اذا ارتحتي لا تترددين أبداً …
والله يرزوقج ولد الحلآل اللي يسعدج …
وانا بعد رايي من راي اختيه الجاازي صلي استخااره والي فيه الله يقدم الي فيه الخيير
بس قديتج كيف عاداتهم وتقاليدهم غيير ؟؟ مثل شو يعني؟؟
صلي استخارة
وبعدين انتي اهم شي عندج رياال اذا هو زين
توكلي على الله
انتي خلي الريال ياخذ من طبايعكم