بنات الله يخليكم ..ساعدوني كيف يحضرون هالمشروب هالوالد
و شو فايدته؟؟؟
تحياتي لكم
انا في خاطري اعرف كيف يسونها ………..
أأنا أعرف إنهم يسوون الحبة الحمرا مع الكستر والحليب بس الطريقه بالضبط ما أعرف
إن شاء الله حد يفيدنا
انا اعرف الطريقه بس ماعرف المقادير بالضبط يعني اتحطين الي يناسبج
المقادير:
حبه حمرا
مكسرات مطحونه
ملعقة هيل مطحون
سكر حسب الرغبه
حلبه
قرفه مطحونه
ملعقة فلفل اسود
ملعقة سمن…
اول شي اتنقعين الحبه الحمرا
حطي ماي في القدر
وعقب حطي فوقه المكسرات والقرفه والهيل والسكر والفلفل والحلبه وخليه شوي
عقب حطي الحبه الحمرا فوقه وخليه يفور وحطي ملعقة السمن فوقه
وخليه تقريبا 20 دقيقه وهو يفور لين اتشوفينه اغلظ
وانتي تذوقيه اذا ينقصه سكر زيدي
وبس….
الحبه الحمراء مفيده حق الاربعين لانها تنظف
هي تنضف البطن لان فيها الجرفة وتنزل الوصخ الموجود داخل البطن
وزينه للمربي والي فيها الدورة
ولي دورة متاخرة عندها تراعا تنزلها
طريقتي في حبة الحمرا:
خذي فنيال حبة الحمرا..إغسليها عدل وودنيها في ماي لمدة 5 دقايق..بعدين سوي حليب (انا استخدم رينبو)..عادي مثل ما تسوينه في الدلة..ويوم يفور..حطي هال وزعفران وفلفل أسود (كله حسب الرغبة)..وحطي حبة الحمرا وخليها تفور لين ما يغلض الحليب..آخر شيء حطي كستر وشكر..وبالعافية..