السلام عليكم ورحمة الله
خواتي بسالكم شو رايكم بروحه الحج هالسنه وانتشار المرض ؟؟؟
تدرون الحج زحمه وتكثر فيها انتشار الزكام العادي فكيف عيل لو كان مرض انفلونزا الخنازير
تنصحوني اني اروح ولا ؟ للعلم هاي مب اول حجه لي بس خاطري بحجه هالسنه خاصه اني زماااااان ماسرت ازور بيت الله
والي ترد علي تدعي لي بالتوفيق وتيسير امر الحج بهاي السنه ان كان فيها خير لي
يزاكم الله خيييييييييييير
بسألج سؤال :
الناس اللي صابهم المرض وهم في البلاد ولا سافرو ولا شي
شقايل صابهم ؟
لأن هذا نصيبهم
في البلاد والا في السفر
قل لن يصيبنا إلا ما كتب الله لنا
اتوكلي على الله وسافري
وان شا الله ، الله يرزقج السفر هالسنة
ويرزقني وياج 
السلام عليكم ورحمة الله وبركاته اختي توكلي على الله..من توكل على الله فهو حسبه الله يرزقج الحج ويرزقنا ويرزق جميع المسلمين
اتوكلي على الله
واذا متخوفه وايد ومتردده استخيري ربج
وما في مانع انج تستشرين طبيب مسلم ثقه …… وانتي ادرى بصحتج وبوضعج وان شاء الله ما تشوفين شر
وتروحين وتستانسين وتدعيلنا
بس سالفة اذا اجبروكم تتطعمون هنيه بيكون الموضوع اصعب لانه فيه ناس مش حابه تتطعم
قل لن يصيبنا الا ما كتب الله لنا
حبيبتي انا سرت عمره فالعشر الاواخر من رمضان تعرفين من متى و انا فخاطري اسير بس فاخر لحظه ترددت و قلت للوالده الله يطول لي بعمرها شقايل بنسير و المرض منتشر قالت شوفي يا ورده اللي ربنا كاتبنه هو اللي بيصير…قالت ممكن الواحد يالس فبيته ما يظهر و ييه حد مريض و يعاديه
و الحمد لله توكلنا و سرنا اعتمرنا و كانت احلى ايام فحياتي
سيري حبيبتي و لا تحتاتين و الله يكتبلج الج هالسنه و ادعي لي انا بعد لان فخاطري اسير
يزاكم الله خير خواتي
يجعله في ميزان حسناتكم يوم القيامه
بس تدرون للحين مب اكيد السيره
يالله دعواتكم لي تتيسر لي من من عند ربي ان كان فيها خير لي يارب العالمين
خذي وياج كل احتياطات السلامه
والله يسهل عليج ^^