الجدري المائي

شحالكم الغاليات

طبعا انا فتحت هالموضوع لاني قاعده امر بهالمرحله ويا ولدي

فديته اتفاجأت بحبوب حمرا وبعضها فيها ماي قلت بسم الله شوفيه ولدي وكان مسخن شوي

المهم وديته المستشفى

وفاجأني الدكتور انه جدري مائي وانه منتشر في الصيف الحين والحالات في تزايد

قلت افتح الموضوع ونفيد بعضنا البعض

بعد ما سويت بحث بالنت طلعت بهذي الفوايد من المواقع العربيه والاجنبيه

– لازم اقص اظافر الطفل عشان ما يحك الحبوب وتلتهب
– اراقب درجة حرارته بين فتره واخرى
– تبديل الفرش الي ينام عليه الطفل يوميا
-عدم تعريض الطفل لجو حار او رطوبه
-اعطاءه كميه جيده من السوايل لانه بالحراره يفقد سوايل من جسمه ويفقد الشهيه بعد
-عدم اعطاءه بيض ودجاج (هذي المعلومه من شغالتي الفلبينيه ما ادري مدى صحتها )
– تفهيم الطفل اذا كان مدرك بعدم حك الحبوب لانها تترك اثار دايمه بالوجه والجسم
-تحميم الطفل باضافة قليل من بيكنق باودر وملعقه من الكابتن او الشوفان لترطيب بشرة الجسم قدر المستطاع
– ابعاد الطفل عن الاطفال الثانيين قدر المستطاع
– يفضل تلبيس الطفل الي ما يدرك قفازات خفيفه عشان ما يحك الحبوب
-عدم اعطاء الطفل او البالغ ادويه تحتوي على اسبرين اذا كان مصاب بالجدري
واكثر خطوره وصعوبه لما يصيب الطفل الي اقل من سنه
– الابتعاد عن الاكلات الي تحتوي على الفلفل والصلبه والغازات لانه تستوي عند المصاب صعوبه في البلع

وهذا الدواء المستخدم فوق الحبوب الي لونه ابيض لتجفيف الحبوب

الحمد لله ولدي الثاني سنه وشهر يعني لو عداه اخوه بيكون ماخذ التطعيم

ولازم تحاسبون القشور الي اطيح هي اخطر شي لانها هي الي تسبب العدوى (على حسب ما قريت )

ولالالالالالالالالا تنسون النصيحه الذهبيه التطعيم ثم التطعيم
واي وحده عندها حلول ونصايح يا ريت اتفيدنا