السلام عليكم ورحمة الله وبركاته
عندي استفسار
هل أكل التمر خلال الأشهر الأولى خطر على الحامل ؟؟
وشو فوايده للحامل؟؟
لا حبيبتي انا ما سمعت انه التمر خطر بالعكس ينصحون الحامل من تحمل لين تربي باكل التمر
لانه كله افااااااااااده .. وانا الحين في شهري الثاني وبصراحه اموت على التمر ما استغني عنه والحمدالله ما صارلي شي بالعكس يوم ما اشتهي الاكل بسبب الوحام سيييييييييييييييده على التمر لانه خفيف وما يلوعلي بجبدي
الله يقومج بالسلامه وانا بعد ^_^
التمر عموماً مفيد ومااظن يضر
بس اذا حد يعرف اكثر انشاء الله يفيدونج
بالعكس التمر وايد زين يزيد الدم
الدكتورة وصتني اكله لانه دمي وايد ناقص
فاليوم 7 تمرات
أنا سمعت انه فالشهور الاولى مب زين لللحامل اما الشهور الاخيره عادي..والله العالم
التمر وايد زين لمخ البيبي ودمه سبحان الله
حبيبتي هب كلهن
انتبهي بعضهن التمر يضرهن لانه ينشط البيوضات ويوم تتأخر الدوره انا اكله تنزل بسرعه
والتمر ينصحون الحرمه تاكله في الشهر التاسع لانه يسهل الولاده وييب المخاض
يعني البعض ياثر عليهن