مرحبا بنات شخباااركم ؟؟؟؟
الصراحة بغيت اعرف كيفية التخلص من آثار الحبوب اللي في الويه يعني مكان الحبة يوم تختفي…الآثار الحمدلله شويه مب واااااايد..اذا حد يعرف دكتور زين في دبي او في الأماكن الجريبة مثل الشارجة او عيمان ..انا الصراحة سويت تقشير كيميااائي بس مووول ما فادني وخذت الرواكتين ..بس الحمدلله الحين احسن ..بس في شوي أثر للحبوب ..كيف اتخلص منه ؟؟؟
هلا ورحب الغاليــه ..
انا بعطيج خلطه طبيعيه ان شالله تفيدج وتتخلصين من الاثار
لنه التقشير الكيميائي صح فالبدايه يفيد بس عقب البشرة تسمر شوي لنه التقشير يخوز الطبقة اللي تحمي الجلد ..
انا استخدمت هالخلطه والحمدلله اللحينه ماشي اثار حبوب بس لازم تستمرين عليها لين ماتسير كل الأثار مب مرات تسوين ومرات لا عسبت بسرعه تلاحظين الفرق …
الخلطه الاولى :
الرغوه الناتجة بعد غليان الحليب
عصير ليمون
ملعقة كبيرة طحين بر
عصير جزر
زيت اللوز المر
نخلطهم ونحطهم على الويه نص ساعه .
الخلطة الثانيه :
1 كوب زيت سمسم ..
2 زنجبيل ناخذ العصارة
رشة ملح البحر .
نخلطهم ويا بعض وعقب عالويه نخليها نص ساعه فقط ..
هالخلطه تستخدم صباحا ومساء ..
ملاحظه : انا جربت الخلطه الاولى ويابت معاي نتايج يعني فسبوع راحت كل الاثار
اما الثانيه ماجربتها بس بنات جربوها ويابت نتايج
اهم شي تحطينها يوميا لين تظهر النتايج انا الحمدلله فادتني وتراها اذا مافادت وياج مابتضر ان شالله لنها مواد طبيعيه الحمدلله بس كل من جربها يابت نتايج وياه ..
دمتي بود :22 (12):
مشكووورة اختي غموض ..بس بغيت استفسر كم مرة أحط الخلطة الأولى …ومتى ..وكم مقدار عصير جزر وزيت اللوز المر ..وبالنسبة لرغوة الحليب يعني انخلي الحليب يغلي بس ناخذ الرغوة ..وسؤالي الأخير شو هو طحين بر ..ووين احصل زيت اللوز المر ..ادري اسألتي وااايد السموحة ومشكووورة
مرحبا
نحنا متابعين وياكم
يزاج الله خير غموض وان شاء الله بجربها واللي طمني اكثر انها من تجربتج الشخصية ومثل
ماقلتي اذا مافادت مابتضر بس انا مقدر احطها الصبح لأني أداوم بس المسا عادي بس ياليت تعطينا
مقادير الخلطة بالضبط لو ماعليج كلافة واذاسويت منها شوي وزاد عادي احطه في الثلاجة واستخدمها
اليوم الثاني؟
الخلطه الاولى :
الرغوه الناتجة بعد غليان الحليب (( يعني يوم نطبخ الحليب وتصير رغوه تشلين الرغوه بس اللي فوق ))
عصير ليمونه وحده ..
ملعقة كبيرة طحين بر (( الطحين الأصلي يعني العادي نستخدمه باالاكل ..
عصير جزر حبة وحده ..
ملعقة زيت اللوز المر (( تحصلونها فالصيدليات ))
نخلطهم ونحطهم على الويه نص ساعه
انا احط الخلطه مرة وحده فاليوم عسبت ترتاح البشرة شوي ..
,,,,,,,,,,,,,,,,,,,,,,,,,,,,,,,,,,
الخلطة الثانيه :
1 كوب زيت سمسم ..
2 زنجبيل ناخذ العصارة
رشة ملح البحر .
نخلطهم ويا بعض وعقب عالويه نخليها نص ساعه فقط ..
هالخلطه تستخدم صباحا ومساء
هالخلطه بنات جربوها وختيه بعد لنه الخلطه الاولى مايابت وياها نتيجة جربت هالخلطه واتحلصت من الاثار
……………………………………..
انا اقلل الكمية عسبت لا يزيد بس ترومين تخلينه بالثلاجه بس انا اقول احسن سوي كمية بسيطه يعني مب شرط من كل شي حبة لا سوي نص ..
…………………………….
ان شالله نشوف نتايج بس اهم شي تسوينها كل يوم لين تشوفين الاثار سارت عنج وتتركين الخلطه
مشكووووووووووورة أختي غمووووووووض وتسلمين ع المعلومات الحلوة ….وما قصرتوا خواتي ع المشااااركة ,..وان شاءالله بنخبركن بالنتاااايج …