سلام عليكم … شحالكم خواتي …
بليز الا امتحن الآيلس افيدوني … ف الريدنق reading
انا ماعرف شقايل اطلع الاجوبه … ووعندي امتحان تاريخ 4_4 .. وهاي المره الثالثه الا امتحن فيها …
بصيح اذا مانجحت …
لو سمحتوا الا عندها نصيحه اتفيدني خبروني …
وادعولي …
شكرا
انا خذت الايلس من المرة الاولى… بخصوص reading قالت لي المس اهم شي تقرين السطر الاول و الاخير من كل فقرة … عسب الوقت و تاخذين بس فكرة…
طبعا قبلها تكونين قارية الاسئلة … عقب ما تقرين اول سطر و اخرسطر ابدي ف الحل…
لان هم كاساتذة يحتايون يقرون الفقرة الوحدة اكثر من مرة عسب يفهمونها عدل ..و نحن مقيدين ف وقت معين ف مب من صالحنا نركز ف كل كلمة …
بالتوفيج يا عسل… و اهم شي الدعا .. و وكلي امرج لرب العالمين و مابيخيب ظنج..
لا تخافين اهم شي اتعرفين شو اسويين
اول شي اخذي اسهل جزء في الاكتحان سهل وما ياخذ وقت
ابدي من السهل الى الاصعب او مثل ما تقولين الي يبغيله وقت
عقب صدقيني بتنجحين
بس فديتج خبرينيا وين بتمتحنين
اويييه نفس مشكلتي خخخخخخخ
انا تخرجت الحمدلله وافتكيت من الامتحانات وخاصه الريدنج عقده
نفس والله كنت ارسب في كل امتحانات الريدنج بجدااااره … بس الحمدلله نجحت في الايلس
شوفي ماشي الا انج تتدربين وااااااااااااااااااااااااااااااايد والله سوي نفسي كنت اسيري اسوي كوبي من الريدنج اللي في المكتبه عندنا .. وبعد كنت اتدرب اونلاين في المواقع اللي فيها ريدنج
طلبي من المس او السير اللي يدرسكم هالمواقع ..
وضبطي الساعه وانتي تتدربين عشان تعودين عمرج وايدج ع السرعه
والاجوبه صعب.. لان مابتلقين الجواب جاهز .. يكون الجواب هو المغزا بين السطور نفس العربي
يعني مابتلقين الاجواب في كلمه بتلقيه في فقره كامله وانتي تستنتجيه بروحج
نادرا تلقين الجواب جاهز موجود في الفقره …
الطريقه الاحسن
1- اقري الاسئله .. وركزي ع المجموعه الاولى من الاسئله أو المجموعه اللي عليها درجات وايده
2- اقرى قطعه الريدنج كامله ومسكي القلم وسوي هايلات وانتي تقرين ع اي كلمه غريبه او شي مب مفهوم .. وركزي ع الاسطر اللي حسيتيها تشبه الاسئله ..
3- القطعه بتكون مقسمه لفقرات كل فقره 6 اسطر او خمس .. لو عندج وقت وانتي تقرين كل فقره حطي لها عنوان رئيسي او فكره رئيسيه هالشي يساعدج لما تدورين الاجابات
4 – اقرى الاسئله مره ثانيه والحين ابدي حطي الاجوبه ع طوول واي سوال تحسين انه معقد او مافهمتيه خليه ااااااخر شي في الامتحان وكيف ماقلتلج ركزي ع الاسئله اللي عليها درجات وايده
والاسئله اللي تحسينها صح او خطا وهالسوالف يمعي الدرجات من هالاسئله
والله يوفقج
الغاليه المس قالت لنا.. نحل اول اثنين من الريدينج و الثالث اييييج وااايد صعب و لاتحلينه..و قالت لو حليتي الاثنين و يبتي فيهم عالاقل 18 من 40 يعتبر 5
الثالث ايج مثل فراغات و جي..ماتفهمين له وايد يكون صعب يضيع وقتج عالفاضي.. هي قالت لاتضيعون وقتكم فيه..و حلو الاثنين القبل,,
و بالنسبة للاجوبه .. قالت من اتحلين اجابه و توقفين عندها على طول السؤال اللي وراه بتكون الفقرة اللي وراه .. يعني مب اطنشين و اتنطين لفقرة ثانيه لأ.. اتبعي من المكان اللي وقفتي فيه و كملي اقري و بشري فديتج ..
الله يوفقج يارب
اختي بالنسبة للريدنج
اول شي اقري الاسئلة و دايما الاسئلة الاولى تلاقينها في الفقرات الاوليه
ركزي على انج ادورين عالاجوبة اكثر من انج تقرين الموضوع كامل…
و ركزي عالجمل الاولى والاخيرة من كل فقرة
وصدقيني بتعدينه ان شاء الله
والله يوفقج يارب هالمرة