الســلام عليكم ورحمه الله وبركاتهـ
خواتي من وين ممكن احصل الالوان اللي نحطها في الكريمه عسب نستخدمها في تزين الكب كييك
وياريت لو حد يعرف الاولوان اللي تستخدمها الاخت شكولاته UAE من وين اقدر احصلها
انـــا من بوظبي ^^
وشكرا مقدمـــا
اللهّم اغننا برحمتك عن رحمة من سواك ،
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
هلا الغالية
بتلاقينها في اماكن وايد .. سبينس .. كارفور .. اللولو
عند قسم الكيك .. وبامكانج تسألين العمال هناك
الالوان تكون شرات هذي وفي منها اشكال ثانية
من غير الوان فوستر كلاركس مثل هذي
انا استخدم فوستر نفس اللي الاخت حطت صورته
من على ايام جدتي المغفور لها باذن الله يستخدمونه خخخ
في 4 الوان واللي هي الاخضر والاصفر والاحمر والازرق
انا اذا بغيت لون ادمج لونين مع بعض واحصل على اللون اللي ابغيه
مثلا احمر مع اصفر بيعطيني برتقالي لكن اذا زدت الاحمر بيعطيني اغمق واذا زدت الاصفر بيعطيني لون مشمشي
وعندج الازرق والاحمر بيعطيج بنفسجي
واحلى شي الازرق مع الاخضر لانه بيعطيج تركوازي
طبعا انتي تحددين درجة اللون بالكمية اللي تحطينها
مثلا انا حطيت لون احمر بس نقطة بيعطيني وردي ونفس الشي حق الازرق بيعطيني بيبي بلو وادا حطيتي وايد بيغمق اللون
وهكذا
واتمنى اني فاديتج
نسيت اخبرج بطريقة وايد حلوة
وهي انج تسوين كذا لون وعقب تحطينهم في نفس المعصار مال الكريمة
ملاحظة:حاولي تحطينهم يم بعض مب فوق بعض
يوم بتيين تعصرين بتطلع لج الوان حلوة ومدرجة
وبالعافية عليج
مشكورات .. استفدت منكم
وشكرا لصاحبة الموضوع
^^