مرحبا خواتي
أتمنى أن أستفيد من خبراتكن
شورايكم في باب مدخل البيت (باب الصالة) تفضلينة
خشب
أو
ألمونيوم
**************************************
عندكم فكرة عن محلات
شغل ألمونيوم
أو
شغل شخب
أقدر أتعامل وياهم ( في الشارقة أو رأس الخيمة أو دبي)
أتمنى من ألي عندها خبرة أتفيدني
وألي ماتعرف
دعوتها الحلوة لي في ظهر الغيب
جزاكم الله خير أخواتي
انصحج بالخشب وفي محل ف بوظبي روعه وشغلهم وايد راقي يعني يدخلون وياه زجاج وعندهم اشكال وايده واذا حابه بعطيج رقمهم
احنا سوينا باب مدخل فلتنا خشب عند الحرفيون انصحج بالخشب لانه فخم وشكله حلو احسن من الالومنيوم ….
الصراحة انا على كثر ما قالوا سوي المنيوم ما دش فس راسي …. سوينا خشب احس فيه فخم ويعطي منظر راقي
للفلة … وخاصة انه يسوولج حفر ويدخلون زجاج مثل ما تبين …
ومصانع الخشب عندج مغل في الشارقة روعة وعندهم موقع سوي بحث في قوقل وشوفيه …
وعندج المصنع العربي في دبي القصيص … وعندهم موقع بعد …
وعندج فينيسيا في دبي واعتقد عندهم فرع ثاني في عيمان ما ادري وين ….
ها المحلات اللي مريت عليها …
بما اني انا اسوي بيت العمر بعد وكنت مسويه بيتي في دبي قبل لاانتقل بوظبي
بقولج وين اتسيرين لان كل المحلات ايروحون عندهم
المصنع الرئيسي في بوظبي
اسمه اعتقد مصنع الغفلي للاخشاب وعندهم في نفس الموقع مصنع الالمنيوم والزجاج
اينفذون كل شي وانا سويت عندهم تخشيب السقف والاعمده والمداخل والزجاج للشاور روم للحمامات والكباته لبسولي اياها مناظر شي راقي وبسعر خيالي وحلو مابتحصلين مثله لانهم المصنع والحلو مايتاخرون ولا ايغشون لانه اهم شي عندهم سمعتهم جربي ومابتخسرين وعلى فكره انا شفت الكاتلوج مالهم واكتشفت انهم مسوين قصور مبزره في العين واشيااااء وااايده بعد انتي شوفي الكاتالوج مالهم بتوثقين في شغلهم شي راقي راقي بمستوى القصور والفلل الفخمه وعالي الجوده بمعنى الكلمه ^_^ انشاء الله اكون فدتج حتى ولو بشي بسيط
الجميريه ممكن ترفقيلنا صور لأني أنا بعد يشغلني هالموضوع حق بيتي اليديد
