الآيلتس وما أدراك مالنفسية

خواتي ولله الحمد تم قبولي في الجامعة , المشكلة ماعندي ايلتس وقالولي خلال السميستر الأول لازم أتيبينه لو مايبت الايلتس ماقدر أكمل للسمستر الثاني

والحين كل تفكيري الشاااغل الايلتس وصار هاجس بالنسبة لي

وخااايفه وايد من هالاختبار وخايفة ما اخلص قبل انتهاء السمستر الأول اللي بيكون بشهر 1

فأرجوووكم ساااعدوني شو تنصحوني وين أتدرب وكيف
انا موظفة والحين دراسة وخايفه اتوهق وأبي أفتك من هالايلتس

– – – Updated – – –

بس مب عارفه شو اسوي حظي طايح يمكن انتي احسن عني .. بس للحين مادرسته

بس المطلوب كم في كل بارت .. 5 عشان المجموع يكون 5 صح

بالنسبه لامتحان الآيلتس ، فهو عباره عن:

Listening exam امتحان الاستماع ، تسمعين و تجاوبين ، نمط الاساله اختيارات و كتابه اسماء و ارقام ، و طبعا لازم الكتابة تكون صحيحة

Reading امتحان القراءة ، و فيه ٣ فقرات تقرين عنهم ، و المجموع الكلي لأسألة القراءه = 40 سؤال .. و تخلصين جميع الاسأله في ساعه وحده فقط و انا انصحج ، بما انه الساعه فيها 60 دقيقه ، انتي قسمي لكل قراءه 20 دقيقه فقط

Writing امتحان الكتابة ، بتكتبين عن موضوعين ، الموضوع الأول 250 كلمة عن رأيج في موضوع معين او إيجابيات و سلبيات موضوع معين ، و الموضوع الثاني بتكتبين 150 كلمة عن شكل موجود في ورقة السؤال و انتي لازم توصفينه

Speaking امتحان التحدث ، عباره عن ٣ اجزاء ، الجزء الأول بتتكلمين عن نفسج و الثاني و الثالث عن مواضيع بتنسالين فيها مثال: تحبين السينما ؟ ليش ؟ مع منو تحبين تسيرين ؟ شو أنواع الأفلام اللي تفضلين تشوفينها ؟

هذا توضيح بسيط عن الامتحان ، أما كيف بتمتحينه؟ فاول نصيحه لج سيري معهد و خذي لج دوره كامله عن الايلتس لانه في الدوره بيعطونج تمارين و تدريبات بشكل يومي

و اذا ما تقدرين تروحين دوره ، ف انصحج تستخدمين الانترنت ، فيه آلاف التدريبات هن الايلتس

نجاحج في الايلتس ما يعتمد على شطارتج ، يعتمد على شكثر انتي تدربتي و بذلتي جهد في التمرينات ، هذا معناته انه التدريب قبل الدخول للامتحان هو المفتاح الاساسي للنجاح

اختي jasmin
مشكوووورة وماقصرتي فديتج بالشرح يزاج الله خير انا مابي آخذ دورات بحكم مب فاضيه ابدا دوام الصبح واشل بنتي الحضانة واطلع اروح الجامعه مافي شانس أبداً لدورات
انا اللي أبيه ادخل عالنت على مواقع مجانية مثلاً ممكن استفيد منها مع العلم ان لغتي الانجليزية وسط يعني أمشي حالي