اليوم بحطلكم شي عن فن صناعة السجاد اليدوي والي يسمونه Latch Hook
طبعا الصور مب شغلي
شغلي بحطلكم اياه قريبا بس اخلص من الاشكال النهائيه .. بس حبيت اعرفكن على هذا الفن … وايد من ربيعاتي قالن لي انهن كانوا ايسون هالسوالف في الابتدائي
انا ما اتعرفت على هالشي الا من سنتين او 3
بلا هذره زايده 
.. اخليكن ويا الصور
شوفو الابره المعكوفه المستخدمه في الشغل
اليك طريقة العمل:
تقدرن تحصلن تفاصيل اكثر على هذا الرابط
http://www.latchhookrugs.com/howto.shtml
هاي الاشيا تقدرون تحصلونها في المحلات الي تبيع خيوط واشرطه و فصم
اضن تنباع على 20 درهم
ان شاء الله مثل ما قلتلكن .. قريبا بحط شي من شغلي … ترقبوا ^_*
we’ll be waiting sis
المشاركة الأصلية كتبت بواسطة منّايه 
ehehehehehe
i need to find someone to put these stuff in nice frames and the work is done
bought lots of nice designs from the internet
the ones you find here are almost for kids
ووييييييه ذكرتني بالي مضي اسميني سويتهن و انا صغيره بس ما كنت اكملهن لوووووووول
شكلي بشتري منهن بس مدري وين يبيعونهن الحين
مشكووره فديتج
مشكورة الغاليه على الموضوع….
وصدقج يا ام غريبه ذكرتينا بالذي مضى…. بس انا كنت احسن عنج اسويهن وكملهن واسويهن مخدات بعد….اذكر حتى اخواني علمتهم من زود ما كانوا يشوفوني اسويه….
ام غريبه بتحصلينه في مكتبة دبي للتوزيع وفي محلات اللي اتبيع اغراض الخياطه….
الفن هذا احسه حلو وايد لكن ما فكرت في يوم اجربه
احب الكروشيه اكثر عنه <<< مجرد راي
تسلمين عنابـــة ع المواضيع الحلوة ..
هههههههههههههههههههه
رجعتيني 15 سنة للوراء …
بس والله كانت أيام حلوة وكنت اشتري من هالسوالف وأيلس عليهم الصيف بطوله وبعدين اوديهم الخياط عشان يخيطهم ويسويهم مخده ..
وفي الاخير اعطيهم البشكاااااااارة (صدق كانت مستغنيه من ورانا )