هلا خواتي
عيالي بمدارس الظفره الخاصه فابوظبي وحسيت هالسنه
ما استفادوا شي ،، السنه اللي طافت كانوا تاسيسهم فنان هالسنه اي شي
وابا اغيرهم السنه اليايه مدارس ثانيه
بغيت مدرسه زينه تعلييييم جد مب لعب
في بالي 3 مدارس واللي مجربهم يخبرني شو دراستهم
مدرسه الاتحاد الوطنيه الخاصه في خليفه
مدرسه النجاح الخاصه في مدينه محمد بن زايد
مدرسه الامارات الوطنيه في خليفه
ابا تاسيييييييييس اوك
واللي تعرف ماتبخل لي فمعلومات ابا اسجلهم
وانا بعد بسير ادور للمدارس وبستفسر اكثر
واترياااااااااااااكم
للرفع
مدرسة النجاح كانت وما زالت توب و كله كد يعني أبدا ما شي يمه ارحميني كله
وين هذي مدرسة النجاح
انا بعد ادور
ابتعدي عن الإمارات الوطنية خاااصة قسم الأولاد
اهمااااال
بالنسبة للمستوى الدراسي بعد ضعيف جداً
قبل سنوات طويله كانوا قويين بس غيروا المناهج ولغوا الإملاء والنسخ خاصة العربي وقللوا جداً عليهم الواجبات من بعد ماكانوا هالكينهم مشاريع و بحوث وهم بعدهم ابتدائية
حالياً X كبير عليهم
الخاص كلهم صاروا مي شي
مدرسة النجاح في ( مدينة محمد بن زايد )