السلام عليكم ورحمة الله وبركاتة حبيت اخبركم عن قصتي بس ابا اعرف هل الطلاق واقع ام تعتبر طلقة واحد .
القصة ريلي كان من فترة يرمس اختي وشفت مسجاتها ع تلفونة وبعدين قلتله ان مره ثانية شفته بخبر ابوي وحلف انه ما يرمسها مرة ثانية حتى لو في شغل المهم كملت سنة على هالموضوع ومن فترة ريلي التزم في صلاتة وسح الارقام اللي عنده بس قبل ما يمسحها انا خذيت الارقم وخزنتها في تلفوني ويوم هو كان في ابوظبي قلت بدش ع الارقام اللي انا مخزنتنها في فوني شفت رقم اختي وايد كنت مضايقة وبعدين يوم رد من ابوظبي كنت ارمسة عادي حتى اني كنت اضحك من ورا خاطري قلتله مب انا قايلتلك اذا شفت رقم اختي مره ثانية بخبر ابوي انا بخبره شو سوه ضربني وانا سيدة سرت اتصلت الابوي وقلتلة اي ياخذني وانا طالعه رد ضربني وقالي تعالي شلي اغراضج وطلقني 3 مرات وقالي زولي لا تردين وهاي القصة بس كنت ابا اعرف انها طلقه ولا خلاص ما اردلة.
اختي لازم تناقشين ها الموضوع في المحكمة
لأن القاضي هو اللي ب قرر في هالموضوع
المشاركة الأصلية كتبت بواسطة ahlamthani 
لأن القاضي هو اللي ب قرر في هالموضوع
وانا من رايها……..
لان انا يوم اطلقت قال القاضي طلقة بس لان بمجلس واااحد…..بس الاحسن روحي المحكمة لا اتريين اييج خليه يحس ان السالفة جد ولو راضاج بس عسب تتاكدون وان شاء الله ربي يصلح بينكم….
والله ييسر أمرج ياارب ويريح بالج ويستر عليج …
المشاركة الأصلية كتبت بواسطة روزاليندا والله ييسر أمرج ياارب ويريح بالج ويستر عليج …
الله ييسرلج امورج
نفس ما قالوا// بما انها 3 طلقات بمكان واحد فتعتبر طلقه واااحده فقط
بس اختج كيف هان لها ترمس ريلج ؟؟ مب حرام عليها .! ليش مافاتحتي الموضوع ويا اختج قبل..عشان تنهين السالفه منها ،،ولا انه تصير مشاكل بين ريلج
والله يعينج حبوبه