حبايبي وخواتي الاعزاء ابا افكار لاسبوع المكتبات مثل شعار للاسبوع اوراق عمل ابا افكار متميزه ويزاكم الله كل خير يارب
ممكن اتسوين ندوه بين البنات اتناقشون كتاب او موضوع معين وتعطينهم قبل الكتاب يقرونه وبعدين تتناقشون فيه
اتسوين مسابقات فى الفسحه مثل سؤال على الطاير تحملين المكرفون واتلفين بين البنات فى الفسحه وتسألينهم وتعطينهم جوائز عباره عن كتاب
او تجمعين كتب مستعمله من البنات واتسوون معرض مصغر للكتب المستعمله واتبيعونهم بسعر رمزى
اتخصصون خمس دقايق من الطابور لقراءة كتاب يعنى كل بنت تحضر قصه او كتاب فى الطابور وتعطونهم فرصه لقراءة جزء من الكتاب خلال الاسبوع …..وهذا الى عندي والسموحه
الحين فيه اسبوع المكتبات موحد على مستوى الدولة تحت شعار
(مكتبتي سر نبوغي)
المشكله انهم طالبين ثاني اسبوع من شهر مارس يعني هالاسبوع
بس مافيه وقت وصل التعميم عندي متأخر والاسبوع الياي ماشي اذاعه لانه بيكون اسبوع امتحانات الثانويه
فكرة اخليه بعد الاجازة يعني ثاني اسبوع من شهر اربعه وبغيت يالغاليات منكن افكار تساعدني فيها
عندي وايد افكار لكني المشكله يديده ماعرف شو المطلوب بالضبط
فيدني خواتي وااااايد محتارة
تسلمين اختي الغاليه مرت الوزير افكاارج حلوه
وتاجل اسبوع المكتبات لثاني اسبوع من شهر ابريل
هلا خواتي عساكن بخير
الغاليات انا قررت الاسبوع الياي من 10الى 14 /4بسوي اسبوعي بس المشكلة ماشي وقت
باجر تحكيم مسابقة قطار المعرفة وبودي بناتي يعني عندي بس يومين اسوي فيهن
بليييز اللي عندها افكار تشاركني فيهن وانا عني بدور افكار وبحطها لكم