اختي واهل ريلهاا نبا شوركن

اهيه من فتره مستوي تتش بينها وبين اهل ريلها ع اساس انه اهل ريلها يوم اتسير عندهم كله ايخلوها تيلس بروحها وينغزونها في الرمسه ع الطالعه والنازله (لانه ريلها بسبت دوامه ما يقدر ايي عند اهله كل اسبوع وليش انت ما اتقولين له وليش وليش ولو نحن مكانج ما بيلس ويا ريال جيه لا بطلب الطلاق!!!!) ولا والطامه الكبرى اخر مره سارت عندهم زيارة خلوها يالسه بروحها واهيه طلع لها شغل وجيه طبعاا اهل ريلها قاموا وقالوا حق ريلها ليش اتخلاها تشتغل شو تباه الشغل خلها اتجابل البيت وعيالها ماله داعي الشغل ومن هالكلام ولا قالوا لها مبروك ع الشغل !! وقاموا راغوها من الملحق الي كانوا فيه ايباتون يوم ايسيرون عندهم وعطوه حق ولدهم ولا استأذنوا منهم ولا قالوا هلانسانه يوم بتيي هيه وين بتريح وين بتيلس وين بترقد عيالها !! وبعد سمعت كلام من عند حرمة اخو ريلها شو يقولن عنها من وراها واهيه اهنيه انصصدمت معقوله ايقولن عنها هالكلام واهيه الي دووم مخليه البساط احمدي واتروح واترد وياهن واتسوي لهن !! (طبعا بتقولون اهيه متاكدة من كلام حرمة اخو ريلها؟؟ قالت هيه لانه فيه مواقف قالتهاا امحد يدري فيها الا اختي وخوات ريلهاا انصدمت بالقو قاالت حق ريلها ريلها قال انتي مالج سيره بيت اهلي خلاص وما اباج تحتكين وياهن وقال حق امه حرمتيه ما بتي عندكم ولا تنشدون ليش جوفوا انفسكم شو اتسوون واتقولون خلاف احكموا….(طبعا من غير عمتها الي ما اتقصر وياها في التجريح والتنغيز واصلاا كانت صايره ضرايب واايد بس ما امدح اختي اهيه ما شاء الله دايما اتقول حق ريلها برايهم برايهم وعاادي اطوف ويامااا ياماا طوفت والله واايد اشياء صارت ) الحين خوات ريلها كل شوي يتصلن ويبن ايعرفن شو الي صار وليش جيه اختي ما اترد وما تبا اتيي عندهم (بالاحرى يبون يعرفون منو قايل حق حرمة اخوهن هالكلام )
اناا قلت لهاا جوفي هن حسن في الاخير اكييد طبعاا ام ريلها ما رامت تتلوم اكثر من جيه في حرمة ولدها واحتشرت عليهن اكييد فقامن يتصلن (خاصة انهن اتقولي قاطعتنها فتره طويله ) قلت لها لبسيهن دام ريلج قالج عنده السالفه خلاص انتي ما يخصج ..جوفي انت عليج اتقولين حق اوصل اهلك وقوم فيهم وما تمنعينه من وصل اهله (وبصرااحه اهيه اتقوله سير عند اهلك دق لهم جوفهم )

اباا اسمع شوركن ….

المشاركة الأصلية كتبت بواسطة كلي دلــع

هي المفروض ما تسمع كلام حد لا حرمة اخوه ولا اي حد
بس هي تسوي اللي عليها و تسلم من بعيد لبعيد
لان الظاهر عافهم الخاطر ، فخلها تحاول تجاملهم فالمناسبات وخلاص

مرحبااا بج اختي كلي دلع

لا اهيه ما تسمع كلام حد لا من يمين ولا من يسار بس اهيه صدقت يوم سمعت المواقف الي صارت ماا كانت اتصير الا من بينهم
وصدقج واحسن لهاا من بعيد اسلم واحسن وعن عوار الراس