السلام عليكم ورحمة الله
اهلين حبيباتي انا راح اوصل لدبي الاسبوع الجاي اذا الله اراد
تكفون بغيت اسئل الاخوات عن شنط السفر المنقطة من وين احصلها
وبعد بسئل عن محلات فساتين السهره الراقيه اللي ناعمة مرة وستايلها اجنبي يعني مابغى شك ومنفوش وفستان يالله اشيل عمري فية مو مشكله السعر اهم شي ذوووووووق
وبعد بسئلكم عن محلات الاواني الفخمة فناجيل ونرامس وحركااااااااات خخخخ
ساكنة بييت جديد وابغى اكمل المطبخ
انتظركم فديت قلوبكم
إن شاء الله بنات دبي يساعدونج أنا من العين ^^
up
الشنط في سوق التنين –الصيني
الفساتين في البستان –يمدحونه وايد –بس عندكم في السعودية ارخص عنا بوايد
واغراض البيت في الشارجة في محلات بر وبحر
هلا والله باختنا من السعودية..وأبشري بسعدج يالغلا..
بالنسبة للشنط بتلقين في أوت لت مول شنط أشكال وألوان وأحجام مختلفة وسعرهم مناسب جداً.
وفيه محلات وايد ممكن تحصلين الأشياء الثانية الي تحتاجينها.
أما بالنسبة للفساتين عندج مركز البستان فيه مجموعة رهيبة وكثيرة من الفساتين يعني عندج أكثر من فرصة عشان تلاقين الي يعجبج.
أما الأواني المنزلية في محل اسمه الشهامة في السطوة إذا تعرفينها ..عندهم أواني حلوة وكل الي تحتاجه ربة البيت وسعرهم بعد مناسب.
واتمنى أكون قدمت لج كل ما تحتاجينه وإي سؤال أنا حاضره الغلا.
ويامرحبا الساع بج في دبي.
أصلا انتي لا دشيتي دبي وسرتي المولات راح تلقين كل شي وان شاء الله راح تعيبج الأغراض ..
بس أهم شي لا تنسين تمرين .. الأوت لت مول .. ابن بطوطة مول .. مول الإمارات .. وسوق التنين
دبي مول جامع كل هالاشياء بس عليج ادورين عدل
وحياج اختي
دبي مول أسعارهم ناااااااااااااااار
ما أنصحج تشترين من هنك ممكن تتمشين فيه بس