احبه ويحبني بس المشكلة ؟

بنات والله اني اكتب هالموضوع وانا ميتة من القهر..مقهورة عشانكن يا خواتي…عشانكن يا بنات بلادي

شو مستوي بكن الكل غارق بالحب ؟؟ والكل هيمان..والكل عاشق!!!! لكن بالحرااااااااااااااااام

لا والأدهى انكن تجاهرن بهالشي..تجارهن بالمصية وكأن امر عادي ..لا وتطلبن نصيحتنا في قصة حبكن بدون مانجرحكن..يعني بين قوسين لا تذكرينا بالحلال والحرام وخلج شيطااان اخرسسسس

في ذمتكن شو مستوي؟؟؟ استوى عادي الوحدة ترمس مع واحد تلفون بدعوا انه حبيب القلب؟؟استوى عادي انه تطلع وياه على اساس طيب ورجل محترم وماقال شي مب زين وانه يبى يتقدم للزواج…اذا محترم صدق ويباج يا بنت الناس ما بيدق الدريشة ويتعلل لج بظروفه الصعبة

اذا يباج يا ختيه..بيحترمج وبيقدرج وبيصونج ولا بيرضى عليج تستوين رخيصة!! هيه نعم..اللي تسوي جيه رخيصة .ارخصت باهلها ودينها ونفسها

بالله عليكن لهالدرجة الحرام حلو؟؟ كله بالدس ووكله بعيد عن عيون الناس واهلج..وكله خوف وارتقاب ولقاء ودموع وفراق؟؟؟؟

شو هالفراغ العاطفي اللي يخليكن تسون هالشي؟؟؟ معقولة يعني تسوين اللي تسويه الرخيصات واللي بايعات نفسهن؟؟…ماتحسين عمرج ارقى عن هالشي؟؟ ماتشوفين عمرج ملكة؟؟؟؟ ليش اتدنسين عمرج..وشرفج وشرف اهلج؟؟

ختيه شرف البنت مثل الفراش الابيض اذا طاحت عليه نقطة خلالالالالالالالاص توصخ…صوووني عمرج…صوووني شررررفج…صوووني اهلج يا بنت الناس….

انتي انقى واطهر من هالامور…هلج ربوج احسن تربية ..شو ذنبهم تسويبهم جيه؟؟….ربج خلقج وميزج واعطاج هالعقل وهالنعم كلها..وبالاخير ترتكبين هالحرام ..؟؟ عشان شو كل هذا؟؟؟ عشان شاب ماينعرف صدقه من جذبه..عشان واحد بيتم حاط في باله طول عمره انج بعتي اهلج كيف ما بتبيعينه عقب!!!!!…تتحرينهم صادقين هذيل؟؟؟؟ لا والله…محد صادق هالايام…لو حلف لج ووعدج…كلهم بيتخلون..وبتبقين انتي اروحج

غناتي…تحاتين العرس؟؟ اتدورين على معرس بأي طريقة ولو بالحرام؟؟؟..ومنو قالج ان العرس هذا طريقه!! ماسمعتي عن القسمة والنصيب؟؟؟ ماسمعتي عن الدعاء بجوف الليل والاستغفار؟؟؟

فديتج اقطعي كل هذا..ارجعي لربج..ارجعي لحضن اهلج…ارجعي لناسج وانتي رافعة راسج…اتركي كل هذا…وحطي في بالج من ترك شيئا لله عوضه الله خيرا منه….واذا تركتي هالشي ترا هالريال اذا صدق يحبج بييج وبيطلبج من عند اهلج وبيطلبج..اذا صدق شارنج ويباج بالحلال..لكن اذا قصده يلعب عليج ويعتبرج من هالساقطات..فناد ينفده وتركه خيييييييير لج في الدنيا والاخرة

يمكن ما يعيبج كلامي…وتشوفين هالانسان هو الحب كله..وهو ناسج واهلج..ومستحيل تقدرين تخلينه او يقدر يخليج…بس اباج تسئلينه سؤال واحد…سؤال وخليه يجاوب..قوليله:اذا وحدة من خواتك كانت ترمس غريب وتحبه ويحبها وتباه..شو بتسوي؟؟؟
هذيج الساعه عرفي انتي منو …وشو بتكونين…عرفي فعلا شو منزلتج….هل يريدك حقا زوجة؟؟؟ ام مجرد حبيبة يجدها في اي وقت..ليتسلى ويلهي وقته

واذا عقب كل هذا ماعيبج اللي قلته وبعدج مصرة…ففديتج لا تجاهرين بالمعصية..ربج سترج وانتي تفضحين عمرج وتزينينها لغيرج..يعني مب كفاية ذنبج وتبين تتحملين ذنوب هالبنات؟؟؟؟

دام الحب مسيطر ع الكل..

منو مافي بنت ماترمس؟؟؟؟…ومنو هذي الذكية اللي تخطط عشان تييب الريال لين باب بيتها؟؟؟

اسمحيلي اختي….بس لا تعممين بالكلام..بنات العرب الحشامي بعدهن موجودات…وبعدهن البنات الدينات "المحجبات " على قولتج موجودات..يخافن ربهن قبل خوفهن من غيرهن ويحشمن عمارهن…لأنهن مب رخاص

شو مافي بنت ماترمس ؟ كلامج يضحك الصراحة