شحالكم خواتي ان شاء الله بخير ….. انا ابغيكم اساعدوني …. ابغي اسوي معكرونه بالبشمل .. بس للاسف ما اعرف ممكن تساعدوني … واتحطولي الطريقه …. ابغيها بدياي … وتسلمون واتريا منكم الردود والي ما اتعرف بس ترف الموضوع ومشكورين واااايد
الغالين ابغيكم اتساعدوني ضروري
اوكي ما طلبتي اختي
المقادير: معكرونه – صدور دياي-صلصة طماط -بصل-ثوم -خل
فلفل اسود- باكيت باشميل ماجي في الجمعية تحصلينه
الطريقة:
– فوري المعكرونه وحطي شوي زيت ويا ملح لين تنضا
عقب جي تصفين المعكرونه وحطيها على صوب
– تقطعين البصل وتحطينه في التاوه ويا الزيت لين يصير لونه ذهبي وعقب جي حطي الثوم لمدة 2 دقيقة عقب جي حطي الخل وصلصة الطماطم والدياي من قبل فوحيها وعقب اخلطيها ويا الصلصة وحطي ملح وفلفل اسود وخل وقلبي لين تصير الصالونه ناشفه
عقب جي اخلطيها ويا المعكرونه وحطيها في صينية بايركس
– يبي تاوه وحطي 2 كوب حليب ويا 2 باكيت باشميل ماجي وخلي على النار لين ينضا و يصير حجمه ثقيل
عقب جي حطي الباشميل على المعكرونه وحطي بيضة مخفوقة و جبن موزيلا
وحطيها في الفرن لمدة 30 دقيقة لين تنضا
وبالهنا والشفاء اختي وكل عام وانت بخير
ميرسييييييييييييييييييييي
لو تبين طريقة البشاميل المنزلية أنا حاضرة
انا امس سويتها وطلعت وايد لذيذه
وتراها وايد سهله
تحياتي لج